• Latest news▼

Ալկոհոլը քաղցկեղի 7 տեսակ է առաջացնում. ԱՀԿ

5 փետրվարի, 2018  10:23

Ալկոհոլային ըմպելիքները կարող են առաջացնել քաղցկեղի նվազագույնը 7 տեսակ՝ աղիների (խթաղիի եւ ուղիղ աղիի), կրծքագեղձի, կերակրափողի, խռչակի, լյարդի, բերանի խոռոչի եւ կոկորդի քաղցկեղ: Այս մասին նշված է ալկոհոլի օգտագործման եւ մի շարք ուռուցքային հիվանդությունների կապի մասին ԱՀԿ նախազգուշացման մեջ, որը նվիրված է փետրվարի 4-ին նշվող Քաղցկեղի դեմ պայքարի համաշխարհային օրվան:

ԱՀԿ-ն նշում է, որ ալկոհոլում գլխավոր քաղցկեղածինը էթանոլն է, որը վնասում է օրգանիզմի բջիջները եւ մեծացնում չարորակ վերասերման հավանականությունը: Ալկոհոլի եւ ծխախոտի միաժամանակյա օգտագործումը ուռուցքային հիվանդությունների հավանականությունը մի քանի անգամ մեծացնում է, ընդգծել են ԱՀԿ-ից:

ԱՀԿ-ում քաղզկեղի առաջացման հավանականության աճը կապել են նաեւ խմած ալկոհոլի քանակության հետ: Այսպես՝ կնոջ մոտ կրծքագեղձի քաղցկեղի առաջացման հավանականությունը 50 տոկոսով մեծանում է, եթե նա օրական 4 բաժակ գինի է խմում, եւ 130 տոկոսով, եթե օրական 8 բաժակ է խմում:

ԱՀԿ-ն նշում է սպիրտային խմիչքների եւ քաղցկեղի կապի մասին մարդկանց իրազեկվածության պակասը: Այսպես՝ նախկինում բրիտանացի հետազոտողների կատարած հետազոտությունը ցույց է տվել, որ նման կախվածությանը տեղյակ է հարցվածների միայն 13 տոկոսը:

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել