Նորածինների շրջանում մահացության ամենաբարձր մարկարդակը գրանցվել է Պակիստանում: Իսկ Հարավաֆրիկայն Հանրապետությունը եւ Աֆղանստանը նորածինների համար ամենավտանգավոր երկրների ցանկում զբաղեցրել են երկրորդ եւ երրորդ տեղերը: Այս մասին նշված է ՄԱԿ Մանկական ֆոնդի (ՅՈՒՆԻՍԵՖ) հետազոտության մեջ, որի համաձայն՝ աշխարհում ամեն տարի մահանում է 2 մլն 600 հազար նորածին, որոնք չեն ապրել նույնիսկ մեկ ամիս:
«Պակիստանում 1000 նորածնից մահանում է 46-ը՝ սա աշխարհում ամենաբարձր ցուցանիշն է: Հարավաֆրիկյան Հանրապետությունը եւ Աֆղանստանը նորածինների համար ամենավտանգավոր երկրների ցանկում երկրորդ եւ երրորդ հորիզոնականներում են»,- նշված է ՅՈՒՆԻՍԵՖ-ի զեկույցում:
Համեմատության համար՝ Ճապոնիայում գրանցվել է նորածնային մահացության ամենացածր ցուցանիշը՝ 1111 նորածնից 1 դեպք: Նրան հաջորդում են Իսլանդիան եւ Սինգապուրը: Զեկույցի համաձայն՝ նորածինների շրջանում մահացության բարձր մակարդակով 10 երկրից 8-ը գտնվում են Աֆրիկայում՝ Սահարայից հարավ, որտեղ հղի կանայք աղքատ լինելու, հակամարտությունների եւ բուժհաստատությունների հագեցվածության ցածր մակարդակի պատճառով անհրաժեշտ ծավալով բժշկական օգնություն չեն ստանում:
ՅՈՒՆԻՍԵՖ-ի վերլուծաբանների կարծիքով՝ մահվան դեպքեերի 80 տոկոսից ավելին 3 պատճառ ունի, որոնք հնարավոր է կախել՝ վաղաժամ ծննդաբերություն, ծննդաբերության ժամանակ բարդություններ եւ ինֆեկցիոն հիվանդություններ, օրինակ՝ թոքաբորբ եւ սեպսիս:
ՅՈՒՆԻՍԵՖ-ի գործադիր տնօրեն Հենրիետա Ֆորը նշել է, որ չնայած վերջին 25 տարիներին նկատվում էր ավագ տարիքային խմբի երեխաների շրջանում առողջապահության ոլորտում վիճակի զգալի բարելավում, մինչեւ 1 ամսական նորածինների շրջանում չի հաջողվել հասնել համանման առաջընթացի՝ մահվան ելքի նվազմամբ:
Հետևեք NEWS.am Medicine-ին Facebook-ում և Twitter-ում