Էներգետիկ ըմպելիքները վտանգավոր են նույնիսկ երիտասարդ եւ առողջ մարդկանց համար: Այսպիսի եզրակացության են հանգել Մաքգովերնի Բժշկական դպրոցի գիտնականները:
Գիտնականները հետազոտության շրջանակում էներգետիկները թեստավորել են 20 տարեկան 44 չծխող կամավորների վրա: Անոթների վիճակը գնահատվել է 2 անգամ՝ 2 բանկա ըմպելիք գործածելուց առաջ եւ հետո:
Պարզվել է, որ էներգետիկներ օգտագործելուց հետո ընդամենը 1,5 ժամ անց անոթների լուսանցքը 2 անգամ կրճատվել է: Սա, իր հերթին, վկայում է անոթային ֆունկցիայի սուր անբավարարության մասին:
Այսպիսի բացասական դերակատարում ունի էներգետիկ ըմպելիքների բաղադրությունը՝ կոֆեին, տաուրին, շաքար եւ այլ հավելումներ, որոնք գործնականում նույնական են բոլոր էներգետիկների համար:
Քանի որ փորձարկվողները երիտասարդ էին եւ առողջական խնդիրներ չունեին, էներգետիկների գործածման բացասական էֆեկտը վերականգնելի է եղել:
Հետևեք NEWS.am Medicine-ին Facebook-ում և Twitter-ում