Նիդերլանդներից 19-ամյա տղան մահացել է գլխին փաթաթված սրբիչով դեզոդորանտի բույրը շնչելուց: Այս դեպքի մասին բժիշկների հաշվետվությունը հրապարակվել է BMJ Case Reports ամսագրում:
Տղան, ում անունը, էթիկական նկատառումներից ելնելով, չի նշվում, տառապում էր թմրանյութերի կախվածությունից եւ վերականգնողական կենտրոնում բուժվում էր: Ցանկանալով առանց թմրանյութերի հաճույք ստանալ, երիտասարդը գլուխը փաթաթել է սրբիչով եւ դրա վրա դեզոդորանտ փչել, որպեսզի գոլորշիները շնչի: Սակայն սպասելի հաճույքի փոխարեն տղայի մոտ սրտի կանգ է տեղի ունեցել եւ նա դադարել է շնչել:
Բժիշկները դեֆիբրիլյացիայի 6 փուլ են իրականացրել, հետո ինտենսիվ թերապիայի բաժանմուքնում հիվանդին արհեստական կոմայի մեջ են գցել: Սակայն տղային չի հաջողվել փրկել եւ որոշ ժամանակ անց ստիպված են եղել նրանց անջատել արհեստական կենսապահովման սարքից:
Շատերին հայտնի է, որ դեզոդորանտներում գտնվող ցնդող նյութերի եւ լուծիչների հոտը շնչելը կարող է սրտի կանգ առաջացնել եւ մահվան հանգեցնել: Միայն ԱՄՆ-ում տարեկան դրանից մահանում է 125 մարդ: Սակայն որոշ մարդիկ, որոնք թմրանյութերից կախվածություն ունեն, երբեմն միեւնույն է հաճույք ստանալու համար դիմում են այդ մեթոդին:
Հետևեք NEWS.am Medicine-ին Facebook-ում և Twitter-ում