46-ամյա Էնթոնի Լելիոթը շտապ հոսպիտալացվել էր աշխատավայրում արտակարգ պատահարից հետո. նորոգման աշխատանքների ժամանակ նրա ձեռքը լրջորեն վնասվել էր էլեկտրասղոցով։
The Daily Mail-ի հաղորդմամբ՝ դաստակը գրեթե լիովին առանձնացել էր ափի եւ մատների հատվածում։ Լոնդոնի հիվանդանոցներից մեկի վիրաբույժները, որտեղ հասցվել էր տուժողը, կատարված վիրահատությունն անվանեցին ամենաբարդերից մեկն իրենց գործունեության ընթացքում։ Նրանք պետք է վերականգնեին ոչ միայն դաստակը, այլեւ նյարդերն ու զարկերակները։
Առաջին վիրահատությունը տեւել է 13 ժամ, եւ շնորհիվ դրա հաջողվեց վերականգնել արյան շրջանառությունն ու մատների զգայունակությունը։ Երկու շաբաթ անց կատարվեց եւս մեկ վիրաբուժական միջամտություն։
Էնթոնին զրկվեց միջնամատից, բայց վնասված ձեռքի գործունակությունն աստիճանաբար վերականգնվեց, եւ նա արդեն կարող է գրիչ բռնել։
Բժիշկների խոսքով՝ տղամարդը հետագայում եւս մեկ վիրահատության կենթարկվի ջլերի վերականգնման համար։
Հետևեք NEWS.am Medicine-ին Facebook-ում և Twitter-ում