Չինացի գիտնականները ստեղծել են նեյրոպատիկ ցավի դեմ դեղամիջոց, որը R419 կոդային անվանման տակ արդեն կլինիկական փորձարկման փուլում է, հաղորդում է Գիտությունների չինական ակադեմիան:
Xinhua-ի հաղորդմամբ՝ նեյրոպատիկ ցավը քրոնիկ ցավ է, որն առաջացել է նյարդերի վնասվելու կամ նյարդային համակարգի հետ խնդիրների հետեւանքով: Այն նկարագրվում է որպես սուր կամ այրող ցավ: Այդպիսի ցավը կարող է լինել վարակի, դիաբետի, քիմիաթերապիայի եւ վիրահատության արդյունք:
Ցավի այդ տեսակը հանդիպում է տարեց մարդկանց շուրջ 50 տոկոսի եւ օնկոլոգիական հիվանդների ավելի քան կեսի մոտ: Այդպիսի ցավի դեմ սովորական ցավազրկողներն ունեն ցածր արդյունավետություն:
R419-ը, իր հերթին, ապացուցել է արդյունավետությունն այն դեպքերում, երբ ցավը նյարդերի վնասվելու հետեւանք է: Դեղամիջոցը ոչ միայն օգնել է ցավազրկել, այլեւ եղել է անվտանգ: Տեսականորեն այն կարող է փոխարինել օփիոդային միջոցները, սակայն կպահանջվի ժամանակ նախքան դրա՝ շուկայում հայտնվելը:
Հետևեք NEWS.am Medicine-ին Facebook-ում և Twitter-ում