ԱՄՆ-ում մեկնարկում է հավակնոտ նախագիծ։ Առաջիկայում Flight Forward-ը, որը UPS սուրհանդակային ծառայության դուստր-ընկերությունն է, կսկսի դրոնների միջոցով թեսթային ռեժիմով դեղատնային դեղամիջոցների առաքման ծառայություն իրականացնել։
«Ռեմեդիումը» հայտնում է, որ փորձնական նախագիծը, որին կմասնակցեն CVS Pharmacy ցանցի դեղատները, ծրագրվում է իրականացնել ամերիկյան մի քանի քաղաքների տարածքում։
Այսօրվա դրությամբ Flight Forward ընկերությունը արդեն դեղամիջոցներ եւ կենսաբանական նմուշներ է առաքում ամերիկյան մի քանի բուհերի եւ բժշկական հաստատությունների տարածքում։
Արդեն Յուտայի համալսարանի հետ նրա բժշկական կենտրոնի կարիքների համար կենսաբանական նմուշների եւ այլ բեռների առաքման պայմանավորվածություն է ձեռք բերվել։
Դրոնների օգնությամբ դեղամիջոցներ առաքելու գաղափարը այսօր շատ տարածված է՝ դրոններն անհրաժեշտ դեղամիջոցները եւ պատվաստանյութերը շատ ավելի արագ կառաքեն, քան ցանկացած այլ փոխադրամիջոց, խցանումներն էլ դրանց համար արգելք չեն։
Հետևեք NEWS.am Medicine-ին Facebook-ում և Twitter-ում