Անգլիական Բրայթոն քաղաքից 39-ամյա Ռիչարդ Ջեքսոնը կաթվածահար է եղել այն բանից հետո, երբ վատ պատրաստված հավի միս է կերել:
The Sun-ի հաղորդմամբ՝ տղամարդը թունավորվել է եւ տեղափոխվել հիվանդանոց: Նա կորցրել է գիտակցությունը:
Բժիշկները միանգամից չեն հասկացել՝ ինչ է կատարվում նրա հետ: Տղամարդուն տեղափոխել են վերակենդանացման բաժանմունք եւ միացրել թոքերի արհեստական չնչառության սարքին: Դրանից հետո 10 օրով արհեստական կոմայի մեջ են մտցրել:
Ավելի ուշ պարզվել է, որ թունավորումը տեղի է ունեցել օրգանիզմի հազվադեպ արձագանքի պատճառով. նրա իմունային համակարգը վնասել է ողնաշարը, ինչի հետեւանքով Ռիչարդը կաթվածահար է եղել պարանոցից ներքեւ: Երբ նրան հանել են կոմայից, նա չի կարողացել շարժել ձեռքերն ու ոտքերը:
Դրանից հետո Ռիչարդը 2 ամիս անցկացրել է նեյրոռեաբիլիտացիոն կենտրոնում, որտեղ սկսել է ուտել, խոսել, ինքնուրույն նստել հաշմանդամի սայլակին, մաքրել ատամներն ու մեքենա նստել:
Այժմ տղամարդը քայլում է ռոբոտացված կոստյումի միջոցով: Նա գումար է հավաքում ռեաբիլիտացիոն կենտրոնում բուժման ծախսերը փակելու համար:
Հետևեք NEWS.am Medicine-ին Facebook-ում և Twitter-ում