Իսրայելցի գիտնականները քաղցկեղ ունեցող կրծողների վրա թեստավորել են PJ34 մոլեկուլը։ Մեկ ամսում մոլեկուլի կիրառումը կենդանիների մոտ կրճատել է քաղցկեղային բջիջների թիվը 80-90 տոկոսով՝ ի հաշիվ «բջջային ինքնասպանության» հրահրման։ Մի կրծողի մոտ քաղցկեղի հետքերն իսպառ անհետացել են։
Ինչպես տեղեկացնում է «Ռոսիյսկայա գազետա»-ն, լուրջ կողմնակի ազդեցություններ կրծողների մոտ չեն նկատվել, քանի որ ներգործությունը կատարվել է բացառապես քաղցկեղային բջիջների վրա։
Սկզբում PJ34-ը ստեղծել են կաթվածի բուժման համար։ Բայց ավելի ուշ ապացուցվել է, որ այդ մոլեկուլը զգալիորեն դանդաղեցնում է քաղցկեղային բջիջների բազմացումը եւ հանգեցնում դրանց արագ կործանման։ Թեեւ PJ34-ը կարող է ներգործել քաղցկեղային այլ տիպի բջիջների վրա, ենթաստամոքսային գեղձի բուժման արդյունավետությունը առավել ակտուալն է թվում։
Ենթաստամոքսային գեղձի քաղցկեղը աշխարհում 12-րդ ամենատարածված քաղցկեղն է եւ 4-րդը քաղցկեղից մահացության պատճառների մեջ։ Քաղցկեղի այս տեսակը հաճախ կայունություն ունի դեղորայքի հանդեպ։
Բուժումը բարդացնում է եւ այն, որ դեպքերի մոտ 80 տոկոսի ժամանակ ախտորոշումը կայացվում է արդեն մետաստազների փուլում։ Քաղցկեղի այս տեսակի 3 տոկոսի դեպքում պացիենտներն ախտորոշումից հետո ապրում են 5 տարուց ավելի։
Հետևեք NEWS.am Medicine-ին Facebook-ում և Twitter-ում