Կորոնավիրուսով 3 պացիենտի հետ շփված 10 մարդ կարանտինային մեկուսացման մեջ է Ծաղկաձորում: Այս մասին կառավարության նիստում հայտնեց առողջապահության նախարար Արսեն Թորոսյանը:
Նրա խոսքով՝ նշված պացիենտների հետ շփված մի քանի մարդկանց մեկուսացրել են՝ կարանտինի մեջ են բնակության վայրում, բայց բացառված չէ, որ այսօրվա ընթացքում նրանցից մի քանիսին կտեղափոխեն Ծաղկաձոր, որտեղ դեռեւս գտնվում է 31 մարդ, որոնք շփվել էին Իրանից վերադարձած կորոնավիրուսով առաջին պացիենտի հետ:
Նախարարը հիշեցրեց, որ հաստատված կորոնավիրուսային ինֆեկցիայով 4 պացիենտից 3-ի մոտ ոչ մի ախտանշան չկա, չորրորդի մոտ թոքաբորբ է, ունի ջերմություն, եւ նա սիմպտոմատիկ բուժում է ստանում:
Նախարարը նաեւ նշեց, որ վերջին 3 պացիենտները վերադարձել են Իտալիայից, եւ ժամանելիս նրանց մոտ ոչ մի ախտանշան չի եղել:
Հետևեք NEWS.am Medicine-ին Facebook-ում և Twitter-ում