Բրազիլիայի «Ալբերտ Էյնշտեյն» կլինիկայի գիտնականները կորոնավիրուսը հայտնաբերող աշխարհում առաջին գենետիկ թեստն են մշակել, հաղորդում է ՏԱՍՍ-ը՝ հղում անելով G1 պորտալին:
Այդ անալիզն արդեն պատենտավորվել է ԱՄՆ տարածքում: Ակնկալվում է, որ այն հունիսից հասանելի կլինի կորոնավիրուսի վարակը ախտորոշելու համար:
Թեստի հիմքում ընկած է նոր սերնդի սեկվենացման տեխնոլոգիան, որը վերլուծում է ԴՆԹ ոչ մեծ ֆրագմենտներ հիվանդությունն ախտորոշելու համար:
Մշակողների պնդմամբ՝ թեստի ճշգրտությունը կազմում է 100%:
Մասնագետների խոսքով՝ դա առաջին գենետիկ թեստն է, որը կարելի է օգտագործել զանգվածային ախտորոշման համար: Դրա օգնությամբ կարելի է միաժամանակ հետազոտել 1536 նմուշներ՝ 16 անգամ ավելի շատ, քան պոլիմերազային շղթայական ռեակցիայի մեթոդով թեստավորման ժամանակ:
Որպես կենսանյութ կարելի է վերցնել նմուշ թքից կամ քթըմպանից:
Թեստի արդյունքները հայտնի են դառնում 3 օր անց:
Հետևեք NEWS.am Medicine-ին Facebook-ում և Twitter-ում