38-ամյա մի շոտլանդուհի 10 տարի հեշտոցում 11 սմ երկարությամբ սեքս-խաղալիք է կրել: Ընդ որում՝ առանց որեւէ պատկերացում ունենալու: Եվ միայն վերջերս է, քաշի նշանակալի կորստից, վերջին շաբաթներին սկսված միզաթափությունից, ցնցումներից եւ թմրածության զգացողությունից դրդված, բժիշկների օգնությանը դիմել:
Նշանակված հետազոտությունների արդյունքներն ապշեցրել են բժիշկներին. կնոջ հեշտոցում միզապարկին ճնշող օտար մարմին էր հայտնաբերվել:
Եվ որքան առավել մեծ էր նրանց զարմանքը, երբ վիրաբուժական միջամտության արդյունքում 11 սմ երկարությամբ սեքս-խաղալիք էր հեռացվել օրգանիզմից:
Զարմանքի երրորդ չափաբաժինը հարուցած փաստը «հիվանդի» հետ հետվիրահատական զրույցի ընթացքում էր բացահայտվել: Կինը խոստովանել էր, որ տասը տարի առաջ է խաղալիքը հեշտոցում թողել: Պարզապես, ալկոհոլի ազդեցության տակ լինելով, մոռացել է, որ զուգընկերոջ հետ սեռական հարաբերության ժամանակ ֆալոիմիտատոր է օգտագործել:
Հետազոտությունը ցույց է տվել, որ կինը նորմալ IQ ունի, չի տառապում դեպրեսիայով կամ հոգեկան որեւէ հիվանդությամբ եւ այլկոհոլի ու թմրանյութի նկատմամբ էլ նկատելի կախվածություն չունի:
Այնինչ սեքս-խաղալիքը նշանակալի՝ կյանքին սպառնացող վնաս էր պատճառել նրա առողջությանը:
Բժիշկների խոսքով, կինը բավականին հազվադեպ հիվանդությամբ՝ մեզի հեշտոցով անցումը կարգավորող համակարգի խանգարմամբ էր տառապում: Բացի այդ, նրա մոտ օբստրուկտիվ ուրոպատիա էր հայտնաբերվել, ինչը մեզի՝ միզապարկից երիկամներ հետմղմամբ է բնորոշվում:
Այդուհանդերձ, բժիշկներին հաջողվել է վերականգնել սեքս-խաղալիքի պատճառած վնասը եւ, ամբողջովին ապաքինված համարելով, դուրս գրել կնոջը հիվանդանոցից: Թեեւ մինչ այժմ էլ շարունակում են զարմանալ, թե այդպիսի մեծության օտար մարմինն ինչպես կարող էր աննկատ մնալ հիվանդի եւ նրա զուգընկերների կողմից:
Այդուհանդերձ, վերը նկարագրված դեպքը ռեկորդային չէ՝ օտարածին մարմնի՝ հեշտոցում առկայության ժամկետի տեսանկյունից:
Մեկ այլ դեպքում խոսքը 35 երկար տարիների մասին է: Հատկապես զարմանք է պատճառում այն իրերի տեսականին, որոնք երբեւէ՝ այս կամ այն տեւողությամբ մոռացվել են կնոջ հեշտոցում՝ մազերի լաքի կափարիչ, արճիճե գլանակ, պլաստիկե բաժակ եւ մանկական խաղալիք:
Հետևեք NEWS.am Medicine-ին Facebook-ում և Twitter-ում