Առանց պատճառի փսխումը կարող է երեխաների մոտ ուղեղի քաղցկեղի մասին վկայող ախտանիշ լինել: Այս մասին նախազգուշացնում է ուռուցքաբան Օլգա Ժելուդկովան (Ռուսաստան):
«Երեկոյան Մոսկվա»-ին տված հարցազրույցում մասնագետը նշել է, որ «երեխայի վարքագծում եւ ինքնազգացողության մեջ նույնիսկ նվազագույն շեղումները կարող են վկայել ուղեղի քաղցկեղի մասին»:
Մասնագետը նաեւ թվարկել է մի շարք ախտանիշներ, որոնք պետք է դրդեն ծնողներին շտապ դիմել բժշկի եւ զննել երեխային.
կրկնվող անհիմն փսխում, հավասարակշռության խախտում, հաճախակի ընկնել, քայլվածքի փոփոխություն, տեսողության վատթարացում, շեղաչքության զարգացում, մեջքի կամ գլխի ցավեր:Մասնագետի խոսքով, եթե երեխայի մոտ առկա են թվարկված ախտանշանները, անհրաժեշտ է անցնել ՄՌՏ` հասկանալու համար, թե արդյո՞ք նա խնդիրներ ունի: Սակայն «պրոֆիլակտիկ» ՄՌՏ անել խորհուրդ չի տրվում:
Հետևեք NEWS.am Medicine-ին Facebook-ում և Twitter-ում