Գունագեղ ծաղիկներն ու ծառերի նուրբ ծաղիկները գարնան սկզբի միակ նշանը չեն։ Շատերի համար ալերգիան սեզոնի փոփոխության նշան է: Կլիմայի փոփոխության դեպքում խնդիրը կարող է էլ ավելի սրվել. փորձագետները կարծում են, որ մթնոլորտում ջերմոցային գազերի կոնցենտրացիայի ավելացումը եւ ջերմաստիճանի բարձրացումը ստիպում են բույսերին ավելի երկար ծաղկել, ինչը հանգեցնում է օդում ավելի շատ ծաղկափոշու առաջացման:
Քուինսի համալսարանի ալերգիայի եւ իմունոլոգիայի ամբիոնի վարիչ եւ Քինգսթոնի առողջության գիտական կենտրոնի կլինիկական գիտնական Էն Էլլիսը ուշադիր հետեւել է, թե ինչպես են սեզոնային ալերգիաները փոխվել վերջին տասնամյակի ընթացքում: Մասնագետը կարծում է, որ գարնան ու աշնան սեզոնների կրճատումն ու ձմռան ու ամառային երկարության ավելացումն էապես փոխում են իրավիճակը։
Բժիշկ Էլլիսը խորհուրդ է տալիս սեզոնային ալերգիա ունեցող մարդկանց հնարավորության դեպքում փակ պահել պատուհանները եւ միացնել օդորակիչները, ինչպես նաեւ հագուստը դրսում չկախել կախիչներից։
Ցետիրիզինը կամ լորատադինը կարելի է գտնել տեղական դեղատներում: Նա խորհուրդ է տալիս բժշկի դիմել դեղատոմսով դեղեր ստանալու համար։
Եթե այս խորհուրդները չեն օգնում, լավագույն տարբերակը մասնագետի դիմելն է։
Հետևեք NEWS.am Medicine-ին Facebook-ում և Twitter-ում