Երևանի հ. 4 առողջության կենտրոնի «Նորք-Մարաշ» մասնաճյուղի հիմնանորոգումն ավարտին է մոտենում։
Քաղաքապետարանից NEWS.am-ին հայտնում են, որ տասնամյակներ շարունակ երբևէ չնորոգված բուժհաստատությունը 2022 թվականի տարեվերջից հարկ առ հարկ նորոգվում է, թարմացվում է գույքը, ձեռք են բերվում նոր բուժսարքավորումներ, ամրացվում է շենքի հիմքը։
2023 թվականի ծրագրով նախատեսվել և հիմնանորոգվում է առողջության 4 կենտրոն, որոնց աշխատանքներն արդեն ավարտին են մոտենում, ինչպես նաև հիմնանորոգվել է շտապ բուժօգնության կայանի կենտրոնական մասնաշենքը։
Առողջության կենտրոնների արդիականացման նպատակը մրցակցային լինելն է, որպեսզի Երևանի բնակիչները բարձրակարգ բժշկական օգնություն ստանան։
Հետևեք NEWS.am Medicine-ին Facebook-ում և Twitter-ում