Չժոնշանի անվան Սուն Յաթ Սեն (Չինաստան) համալսարանի գիտնականները պարզել են, որ շատ կանաչ տարածք ունեցող տարածքում ապրելը մեծացնում է աղիքներում և մաշկի միկրոբիոմում օգտակար բակտերիաների քանակը: Նման փոփոխությունները նպաստում են նորմալ մարսողությանն ու առողջ մաշկին։ Հետազոտության արդյունքները հրապարակվել են Environmental International (EnvInternational) ամսագրում:
Չինացի գիտնականների նոր հետազոտությունը 20 գոյություն ունեցող գիտական աշխատությունների մետավերլուծությունն է մաշկի, աղիների, աչքերի, ինչպես նաև բերանի և քթի խոռոչների միկրոբիոմի վրա էկոլոգիայի ազդեցության մասին: Վերլուծությունը ցույց է տվել, որ կանաչ տարածքներում ապրելը փոխկապակցված է մաշկի և աղիքների բակտերիալ կազմի դրական փոփոխությունների հետ: Մասնավորապես, կանաչ տարածքներն օգնում են ավելացնել օգտակար միկրոօրգանիզմների թիվը, որոնք պաշտպանում են մաշկը և աղիքները տարբեր հիվանդություններից։Գիտնականները ենթադրել են, որ ծառերի կողմից աղտոտիչների կլանումը ներդաշնակ պայմաններ է ստեղծում մաշկի իմունիտետի և աղիքային պատնեշի ձևավորման համար, ինչպես նաև ուժեղացնում է օրգանիզմի հակաօքսիդանտ պաշտպանական համակարգը:
Հետևեք NEWS.am Medicine-ին Facebook-ում և Twitter-ում