Հոկտեմբերի 22-ին, ժամը 10.00-ին «Կոնգրես» հյուրանոցում (Իտալիայի 1) տեղի կունենա միջազգային սեմինար «Խրիզոտիլային ազբեստ: Ժամանակակից գիտական տվյալներ, կիրառման ոլորտը և նորմատիվային փաստաթղթերը: Ազբեստ պարունակող փոշու ազդեցությամբ պայմանավորված հիվանդությունների վերացման ազգային ծրագրերի մշակում» թեմայով։
Սեմինարին կմասնակցեն Հայաստանի Հանրապետության և Ռուսաստանի Դաշնության առողջապահության նախարարությունների ներկայացուցիչները, ԱՊՀ երկրների մասնագետներ:
Բացման խոսքով հանդես կգան ՀՀ առողջապահության նախարարի տեղակալ Սերգեյ Խաչատրյանը և ՌԴ առողջապահության նախարարության ներկայացուցիչները:
Սեմինարին կմասնակցեն նաև ՀՀ էկոնոմիկայի, ՀՀ բնապահպանության, ՀՀ աշխատանքի և սոցիալական հարցերի նախարարությունների ներկայացուցիչներ:
Հետևեք NEWS.am Medicine-ին Facebook-ում և Twitter-ում