Մաշկի քաղցկեղը ուռուցքային հիվանդությունների ամենատարածված ձևերից մեկն է։ Շատ դեպքերում բուժման հիմնական մեթոդը վիրահատական միջամտությունն է։ Սակայն կան իրավիճակներ, երբ վիրահատությունն անհնար է կամ անցանկալի. այդ դեպքում կիրառվում է ժամանակակից ճառագայթային թերապիան։
Մաշկի քաղցկեղի բուժման մարտավարության վերաբերյալ որոշումն ընդունվում է անհատապես՝ կախված ուռուցքի տեղակայումից, հիվանդության փուլից և բուժառուի ընդհանուր վիճակից։
Բարդ անատոմիական հատվածներում՝ դեմքին, ականջների, կոպերի կամ քթի հատվածում, վիրահատական բուժումը հաճախ կապված է կոսմետիկ դժվարությունների հետ։ Նման դեպքերում բժիշկներն ընտրում են ոչ թե նշտարը, այլ թիրախային ճառագայթումը։
Ճառագայթային թերապիան կարող է իրականացվել երկու եղանակով. հեռավար՝ գծային արագացուցիչի միջոցով կամ տեղային՝ բրախիթերապիայի տեսքով, երբ ճառագայթման աղբյուրը տեղադրվում է ուռուցքին հնարավորինս մոտ։
Մանրամասները տեսանյութում ներկայացնում են Էրեբունի ռադիոթերապիայի կենտրոնի մասնագետները։
Հետևեք NEWS.am Medicine-ին Facebook-ում և Twitter-ում