Ֆրանսիացի գիտնականները պարզել են երկրորդ տեսակի շաքարախտի զարգացման հավանականության եւ արյան խմբի միջեւ կապը։ Հետազոտությանն արյան տարբեր խմբեր ունեցող 82 հազար կին է մասնակցել։
Փորձարկման ժամանակ կանայք գրեթե նույն ապրելակերպն են վարել։ Պարզվել է՝ արյան առաջին խումբ ունեցող կանայք ավելի քիչ են այդ հիվանդությունն ունենում, իսկ երկրորդ խումբն ունեցող կանայք՝ 10%-ով ավելի։
Հիվանդության ամենաբարձր վտանգն արյան երրորդ խմբի ռեզուս դրական գործոնն ունեցող կանանց մոտ է նկատվում՝ 35%,, որը տարբերվում է բացասական ռեզուս գործոնով կանանցից, որոնց նախահակումը 21%-ի է հավասար։ Արյան չորրորդ խումբն ունեցող կանայք 17%-ով են ենթարկվում հիվանդության վտանգին։
Սակայն բժիշկները նշում են, որ առողջ ապրելակերպ վարելու, սպորտով զբաղվելու եւ սեփական սննդակարգին հետեւելու դեպքում շաքարախտը կարելի է շրջանցել։
Հետևեք NEWS.am Medicine-ին Facebook-ում և Twitter-ում