Microsoft ընկերության հիմնադիր Բիլ Գեյթսը պատրաստվում է Պատվաստումների եւ իմունիզացիայի համընդհանուր դաշինքին աղքատ երկրների երեխաների պատվաստումների համար 1,55 միլիարդ դոլար հատկացնել: Դա ավելին է, քան Մեծ Բրիտանիայի կառավարությունն է հատկացնելու:
Բեռլինում երկուշաբթի օրը տեղի է ունեցել ԳԱՎԻ դաշինքի գիտաժողովը, որտեղ Գեյթսը հայտարարել է, որ իր եւ կնոջ համատեղ Bill and Melinda Gates Foundation (B&MGF) հիմնադրամն աղքատ երկրների երեխաների պատվաստումների համար 1,55 միլիարդ դոլար կհատկացնի: Միեւնույն ժամանակ Մեծ Բրիտանիան խոստացել է մի քիչ պակաս՝ 1,5 միլիարդ հատկացնել:
Ընդհանուր առմամբ, դոնորները խոստացել են 7,54 միլիարդ դոլար տրամադրել, եւ այդ միջոցները կուղղվեն 2016-2020 թթ. տարբեր երկրների 300 միլիոն երեխայի պատվաստումներին: Բիլ Գեյթսը, ում հիմնադրամը վերջին 15 տարիներին արդեն ԳԱՎԻ դաշինքին 4 միլիարդ դոլար է հատկացրել, դոնորների խոստացած 7,54 միլիարդ գումարն «անհավատալի» առաջընթաց է անվանել:
Ներկայումս ԳԱՎԻ դաշինքը ԱՀԿ-ի, ՅՈՒՆԻՍԵՖի, Համաշխարհային բանկի եւ այլ բարեգործական ընկերությունների համաձայնությամբ արդեն ամբողջ աշխարհում մոտավորապես 500 միլիոն երեխայի՝ թոքաբորբի, հեպատիտ Ց-ի, կարմրուկի եւ մի շարք այլ հիվանդությունների դեմ պատվաստումներ է իրականացրել:
Հետևեք NEWS.am Medicine-ին Facebook-ում և Twitter-ում