Սանտա Բարբարային առաջատար փորձագետները աշխատում են նոր իմպլանտացվող սարքավորման վրա, որը ավտոմատ կերպով կորոշի դիաբետով տառապող մարդկանց արյան մեջ շաքարի պարունակությունը եւ անհրաժեշտ քանակի ինսուլին կմատակարարի:
Ինչպես նշում են մասնագետները, արհեստական ենթաստամոսքային գեղձ կորվող սարքավորումը կազմված է ցուցիչից եւ ինսուլինային պոմպից: Այն կօգտագործվի առաջին տիպի դիաբետով տառապող պացիենտներին օգնելու համար:
Այժմ, սակայն սարքավորումը լաբորատոր փորձարկումներ է անցնում: Գիտնականների խոսքով՝ առայժմ դրանց արդյունքները խոստումնալից են, եւ դեպքերի 78 տոկոսում սարքավորումը օգնում է պահպանել գլյուկոզայի մակարդակն արյան մեջ նորմայի սահմաններում:
Առաջին տիպի դիաբետով պացիենտը արյան մեջ գլյուկոզայի մակարդակի՝ նորմայի սահմաններում պահպանելու համար պետք է ինսուլին ներարկի, որի չափաբաժինը հաշվարկվում է ամեն պացիենտի համար առանձին: Արհեստական ենթաստամոքսային գեղձը տեղադրելուց այս գործընթացները կարող են նկատելիորեն կերպով հեշտանալ, քանի որ տեխնոլոգիան ինքնուրույն կհետեւի մարդու առողջությանը: Բժիշկները հույս ունեն, որ նորարարությունը թույլ կտա նվազեցնել տարբեր երկներում դիաբետի հետեւանք հանդիսացող մահվան դեպքերը:
Հետևեք NEWS.am Medicine-ին Facebook-ում և Twitter-ում