Ամերիկացի գիտնականները բացատրել են «Յառումալի անեծքի» պատճառը. Կոլումբիական այդ քաղաքում հայտնաբերվել է Ալցհայմերով հիվանդների ամենամեծ պոպուլյացիան: Պարզվել է, որ հիվանդության պատճառ դարձող գենային մուտացիան XVII դարում իրենց հետ բերել են իսպանացի գաղութարարները:
Վաղ հասակում (40-60 տարեկանում) Ալցհեյմերի հիվանդության պատճառ հանդիսացող մուտացիան կոչվում է E280A եւ գտնվում է տասնչորսերորդ քրոմոսոմի գեներից մեկում: Սանտա-Բարբարայում Քալիֆորնիայի համալսարանի աշխատակից Քեն Կոսիկը (Ken Kosik) եւ իր գործընկերները Անտոկիա դեպարտամենտի 102 բնակչից, որտեղ գտնվում է Յարումալը, արյան անալիզ են վերցրել եւ ուսումնասիրել են գենոմը:
Մուտացիան հայտնաբերվել է հետազոտության 74 մասնակցի մոտ: Գիտնականները պարզել են նրանց ազգակցական կապերը եւ այն եզրակացության են հանգել, որ մուտացիան ի հայտ է եկել նրանց ընդհանուր նախնու մոտ, որն ապրել է մոտ 375 տարի առաջ:
Հետո նրանք պարզել են երեք աշխարհամասում մուտացիայի կոլումբիացի կրողների հետքերը. բոլոր տվյալները արեւմտա-եվրոպական արմատներ են մատնանշել: Ավելի հավանական է, որ խոսքը որեւէ իսպանացու մասին է, որը տեղափոխվել է Նոր Աշխարհ եւ մասնակցել է Կոլումբիայի գաղութացմանը: Այդ մասին տեղեկացնում է Alzheimer’s and Dementia ամսագիրը:
Յարումալը բուժման նոր միջոցների փորձարկման բացառիկ փորձարարական հարթակ է, կոլումբիական այդ քաղաքում հնարավորություն կա դեղերը փորձարկելու բազմաթիվ մարդկանց վրա, որոնք ապագայում կհիվանդանան:
Հետևեք NEWS.am Medicine-ին Facebook-ում և Twitter-ում