• Latest news

Մրցույթ՝ կրծքով կերակրող մայրիկների համար

27 հունիսի, 2016  19:01

Հայաստանի չորս մարզերում՝ Լոռի, Շիրակ, Արմավիր, Արարատ, եւ Երեւանում հունիսի 27-ից սկսվում է հաղթարշավ, որին մասնակցելու հնարավորություն  են ունենալու  այն ապագա ու ներկա մայրիկներն, ովքեր կարեւորում են կրծքով կերակրումը:

Հաղթարշավին հնարավոր է միանալ՝ մասնակցելով լուսանկարչական մրցույթին՝ ուղարկելով կրծքով կերակրման թեմայով լուսանկարներ եւ դրանց կից պատմություններ այն մասին, թե ինչու են որոշել իրենց երեխաներին կերակրել կրծքով, որոնք են կրծքով կերակրման առավելությունները, ինչպիսի բերկրանք է պարգեւում այդ գործընթացը մայրիկին, ինչ դժվարությունների են բախվել, ինչպես են հաղթահարել խնդիրները: Մասնակից մայրիկներն իրենց օրինակով ապացուցելու են, եթե երեխան կերակրվում է կրծքով, ապա դա եւ՛ երեխայի, եւ՛ մոր հաղթանակն է, նրանց  առողջ ապագայի կարեւորագույն հիմքերից մեկը: Հենց այդ գաղափարից էլ բխել է հաղթարշավի կարգախոսը՝ «Կրծքով կերակրումը մայրիկի հաղթանակն է»:

Հաղթարշավի ընթացքում լավագույն լուսանկարների հեղինակները հնարավորություն են ստանալու մասնակցելու պրոֆեսիոնալ ֆոտոսեսիայի, որի լուսանկարները ներկայացվելու են  քվեարկության: Յուրաքանչյուր մարզից լավագույնը ճանաչված լուսանկարների հեղինակները  հայտնվելու են  հաղթարշավի գլխավոր պաստառներին եւ ստանալու են արժեքավոր մրցանակներ: Հաղթարշավի ավարտին պաստառները տարբեր ձեւաչափերով հայտնվելու են մասնակից մարզերի եւ Երեւանի բժշկական կենտրոններում, պոլիկլինիկաներում, մանկապարտեզներում եւ այլուր:

«Կրծքով կերակրման հաղթարշավն» իրականացվում է ՄԱԿ-ի Մանկական հիմնադրամի եւ «Ընտանիքի ակադեմիա» հասարակական կազմակերպության նախաձեռնությամբ՝ ՀՀ առողջապահության նախարարության համագործակցությամբ:

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է