Շատ երկրներում այսօր`սեպտեմբերի 22-ին նշվում է Առանց ավտոմեքենայի համաշխարհային օրը (World Carfree Day): Այդ կապակցությամբ NEWS.am Medicine-ի խմբագրությունը Ձեր ուշադրությանն է ներկայացնում մի քանի հետաքրքիր փաստ այն մասին, թե ինչու արժե ավելի հաճախ ավտոմեքենան ավտոտնակում թողնել եւ ոտքով զբոսնել:
1. Ուղեղը
Քիչ շարժական կենսակերպը մի ամբողջ շարք հիվանդությունների զարգացման լուրջ գործոն է, որոնց թվում է նաեւ Ալցհայմերի հիվանդությունը: Եթե շատ քայլեք, դա կօգնի կանխել ուղեղում ամիլոիդային թերթիկների կուտակումը, որովհետեւ ֆիզիկական ակտիվությունը կարգավորում է ուղեղին արյան մատակարարումը:
2. Սիրտը եւ անոթները
Քայլելն օգնում է կարգավորել զարկերակային ճնշումը եւ բարելավում է սրտի աշխատանքը, իսկ դա ավելի շատ քայլելու եւս մեկ պատճառ է:
3. Մարսողությունը եւ նյութափոխանակությունը
Քայլելը դրականորեն է ազդում նաեւ մարսողության համակարգի վրա. այն բարելավում է աղիների աշխատանքը, օգնում է ավելի արագ մարսել սնունդը: Ավելին, շատ քայլող մարդիկ ավելի հազվադեպ են բախվում նյութափոխանակային այնպիսի խախտումների, ինչպիսին շաքարային դիաբետն է:
4. Մկաններ, ոսկրեր եւ հոդեր
Երկարատեւ զբոսանքներն ամրապնդում են ոչ միայն մկանները, այլեւս ոսկրերը եւ հոդերը: Երկար քայլել խորհուրդ են տալիս նույնիսկ հոդացավի եւ մի ամբողջ շարք այլ հիվանդությունների կանխարգելման համար:
5. Քաշը
Քայլելը եւս կարող է օգնել քաշը վերահսկողության տակ պահելուն: Ճիշտ է, որպեսզի քայլքը «սպորտային» արդյունք տա, անհրաժեշտ է շատ քայլել. Շատ մասնագետներ խորհուրդ են տալիս օրական առնվազն 10 000 քայլ գցել (դա մոտավորապես 7-10 կմ է) մոտ 4-4.5 կմ/ժ արագությամբ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր