Հոկտեմբերի 7-8 ին Երեւանի Մ. Հերացու անվան պետական բժշկական համալսարանի Մեծ դահլիճում տեղի կունենա ընտանեկան բժշկության 4-րդ միջազգային գիտաժողովը` նվիրված ԵՊԲՀ Ընտանեկան բժշկության ակադեմիական միավորման 5-ամյակին:
Մասնակիցներին շնորհվելու են շարունակական մասնագիտական զարգացման կրեդիտներ, կտրվեն վկայականներ:
Գիտաժողովին զեկուցումներով հանդես կգան փորձառու մասնագետներ Հայաստանից, Մեծ Բրիտանիայից, Շվեդիայից, Ամերիկայի Միացյալ Նահանգներից, Ռուսաստանի Դաշնությունից, Բելառուսից և Վրաստանից: Գիտաժողովի մասնակիցները հնարավորություն կունենան ծանոթանալու ընտանեկան բժշկության զարգացման միջազգային միտումներին ու հեռանկարներին, քննարկելու բժշկության արդի հիմնախնդիրները, ինչպես նաև փոխանակելու առաջավոր փորձը:
Գիտաժողովի առանցքային թեմաներն են՝ շնչառական համակարգի արդի խնդիրները, ԼՕՌ հիվանդությունների բուժման սկզբունքները, փսիխոսոմատիկ հարցերը և ԱԱՊ օղակի բժիշկների ամենօրյա աշխատանքում հաճախադեպ այլ խնդիրներ: Հատկապես կարևորվում են առավել տարածված ոչ վարակիչ հիվանդությունների ախտորոշման, կառավարման, կանխարգելման և բուժման ժամանակակից մոտեցումները:
Ընտանեկան բժշկության 4-րդ միջազգային գիտաժողովի աշխատանքներին կմասնակցեն ավելի քան 350 բժիշկներ ինչպես Երևանից, այնպես էլ ՀՀ տարբեր մարզերից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր