4 մթերք, որոնք չի կարելի տաքացնել

Որոշ պատրաստված մթերքներ ավելի լավ է սառը ուտել, քան կրկնակի տաքացնել: Ձեր ուշադրությանն ենք ներկայացնում մի քանի մթերք, որոնք կրկնակի ջերմային մշակում անցնելու դեպքում կորցնում են օգտակար հատկությունները կամ նույնիսկ վտանգավոր դառնում առողջության համար:

Խաշած բազուկ

Ըստ մասնագետների՝ խաշած բազուկը ցանկալի է չտաքացնել: Եփելուց հետո այն արդեն կորցնում է վիտամինների մի մասը, իսկ տաքացնելուց հետո այն գրեթե անօգուտ է դառնում:

Միս եւ ձուկ

Միսն ու ձուկը, որպես մեծ քանակությամբ սպիտակուցներ պարունակող մթերքներ, նույնպես պետք չէ կրկնակի ջերմային մշակման ենթարկել: Տաքացված միսը կորցնում է համային հատկություններն ու օգտակար դյուրին յուրացվող սպիտակուցները: Նման մսի օգտագործումը կարող է հանգեցնել նյութափոխանակության խախտման, գազերի առաջացման, ինչպես նաեւ ստամոքսում ծանրություն առաջացնել:

Ձու

Պետք չէ տաքացնել նաեւ խաշած ձուն կան պատրաստված ձվածեղը, քանի որ կրկնակի ջերմային մշակում անցնելիս օգտակար միկրոտարրերի մակարդակը կտրուկ նվազում է, նաեւ մեծանում է թունավոր տարրերի արտադրման վտանգը:

Սունկ

Պատրաստված սունկը, մասնագետների խոսքով, նույնպես ցանկալի է սառն ուտել: Տաքացված սունկը կարող է բացասաբար անդրադառնալ ինքնազգացողության վրա:

Հետևեք NEWS.am Medicine-ին Facebook-ում և Twitter-ում