• Latest news

Պալիատիվ օգնության կարիք ունեցող հիվանդների միայն 3%-ն է այն ստանում

7 նոյեմբերի, 2016  17:03

Հիվանդներից շատերն այսօր տառապում են այնպիսի հիվանդություններին ուղեկցող ուժեղ ցավերից, ինչպիսին է, օրինակ, քաղցկեղը, սակայն նրանց միայն 3 տոկոսն է պալիատիվ բուժում ստանում, որը նրանց տառապանքը կմեղմեր: Այս մասին լրագրողներին ասաց Open Society Foundations-ի հայկական մասնաճյուղի գործադիր տնօրեն Լարիսա Մինասյանը:

Նրա խոսքով՝ Հայաստանում այսօր կան պալիատիվ օգնության կազմակերպման լուրջ խնդիրներ, առկա են նաեւ պալիատիվ բուժման ժամանակ օգտագործվող դեղամիջոցների հասանելության եւ քանակի խնդիրներ: Ավելին՝ այդ ոլորտը կարգավորող նորմալ օրենք առայժմ չկա, եւ դա ամենագլխավոր խնդիրն է:

Լավ նորությունն այն է, որ պալիատիվ օգնության զարգացման նոր ռազմավարությունը, որը հայկական հասարակական կազմակերպությունը մշակել է Open Society Foundations-ի մասնակցությամբ, արդեն կառավարությանն է ներկայացվել, եւ Լարիսա Միանսյանը հույս ունի, որ մոտ ապագայում մենք արդեն օրենք կունենանք, որը կօգնի թեթեւացնել ծանր հիվանդների տառապանքները:

«Ցավից տառապող հիվանդներին պալիատիվ օգնությամբ չապահովելը նույնն է, ինչ նրանց խոշտանգելը»,- նշեց մասնագետը:

2010 թվականին Հակացավային եւ պալիատիվ օգնության ասոցիացիայի կողմից իրականացված հետազոտության համաձայն՝  Հայաստանում պալիատիվ օգնության կարիք ունի օրական 3200-ից մինչեւ 3600 հիվանդ: Տարեկան այն կազմում է 18 հազար մարդ, իսկ հաշվի առնելով, որ օգնության կարիք ունեն նաեւ հիվանդ մարդկանց ընտանիքի անդամները, ապա այս թիվը կհասնի տարեկան 100 հազար մարդու:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է