• Latest news

Ցերեկային քունը զարգացնում է երեխաների խոսակցական ունակությունը

14 փետրվարի, 2017  15:29

Այն երեխաների մոտ, որոնց օրվա ռեժիմում ցերեկային քուն է ներառված, լեզվական ունակություններն ավելի արագ են զարգանում, քան ցերեկային քնից հրաժարվող նրանց հասակակիցների: Այս մասին հայտնել են Արիզոնայի համալսարանի գիտնականները:

Հետազոտությանը 3 տարեկան 39 երեխա է մասնակցել: Նրանց երկու խմբի են բաժանել. առաջին խմբի մասնակիցները կանոնավոր ցերեկային քուն են ունեցել, մյուսները՝ ոչ: Գիտափորձի ընթացքում բոլոր երեխաները նոր բայեր են սովորել:

Պարզվել է, որ այն երեխաները, որոնք սովորելուց հետո կարճ ժամանակ քնելու հնարավորություն են ունեցել, սովորածն ավելի լավ են հիշել, քան նրանք, ովքեր սովորելուց հետո դեռեւս 5 ժամ չեն քնել: Մասնագետները ենթադրում են, որ քունը հանգեցնում է հիշողության կոնսոլիդացման:

Ըստ գիտնականների՝ նախադպրոցական տարիքի երեխաներն օրական 10-12 ժամ պետք է քնեն, ընդ որում՝ երեխայի համար շատ օգտակար է ոչ միայն գիշերային, այլեւ ցերեկային քունը: Քնի պակասը հանգեցնում է բացասական հետեւանքների, հատկապես՝ մտավոր ունակությունների առումով:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել