• Latest news

Բժիշկ Սեյֆալիանը ցողունային բջիջներից քիթ ու ականջ է աճեցնում (ֆոտո)

8 ապրիլի, 2014  21:23

Հյուսիսային Լոնդոնի հիվանդանոցի գիտնականները ականջներ, քիթ եւ արյունատար անոթներ են աճեցնում լաբորատորիայում՝ փորձելով ցողունային բջիջների օգնությամբ ստանալ մարմնի մասեր:

Առայժմ ընդամենը մի քանի հիվանդներ են օրգաններ ստացել բրիատանական այս լաբորատորիայից, այդ թվում՝ արցունքային խողովակներ, արյունատար անոթներ եւ շնչափող: Գիտնականները հուսով են, որ շուտով նրանք կկարողանան մարմնի մասերի մի քանի տեսակ պատվաստել հիվանդներին, այդ թվում նաեւ առաջին քիթը՝ մասնակիորեն ցողունային բջիջներից կազմված, հաղորդում է NewMax Health-ը:

«Դա նման է թխվածք պատրաստելուն,- ասում է Ալեքսանդր Սեյֆալիանը՝ Լոնդոնի համալսարանական քոլեջից (UCL),-  Մենք պարզապես օգտագործում ենք ջեռոցների տարբեր տեսակներ»:

Նրա լաբորատորիա վերջերս կատարած այցի ժամանակ Սեյֆալյանը ցույց է տվել բարդ սարքավորումը, որն օգտագործվել է պոլիմերային նյութից տարբեր օրգանների ձեւերը ստանալու համար:

Անցյալ տարի նրանք քիթ էին «սարքել» մի բրիտանացու համար, որը քիթը կորցրել էր քաղցկեղի պատճառով: Գիտնականները շաքար եւ աղ են ավելացրել, որպեսզի վերաստեղծեն քթի ձեւը եւ կրկնօրինակեն իսկական քթի սպունգանման կառուցվածքը: Ցողունային բջիջները վերցվել են հիվանդի ճարպից եւ աճեցվել լաբորատորիայում 2 շաբաթվա ընթացքում: Ավելի ուշ քիթը պատվաստվել է մարդու նախաբազկի վրա այնպես, որ մաշկը այն ծածկի:

Այժմ Սեյֆալյանը եւ իր գործընկերները սպասում են համապատասխան մարմինների թույլտվությանը, որպեսզի քիթը փոխպատվաստեն մարդու դեմքի վրա:

Տարեվերջում պլանավորվում է Հնդկաստանում եւ Լոնդոնում հետազոտություններ սկսել լաբորատոր ականջներն առանց ականջի ծնված մարդկանց վրա փորձարկելու համար:

Լաբորատոր օրգանների կիրառման հեռանկարներն այնքան խոստումնալից են, որ դրանցով հետաքրքրված է ողջ Լոնդոնը։ Քաղաքապետ Բորիս Ջոնսոնը հայտարերել է առողջապահության ոլորտում նորարար հետազոտությունների համար նոր ներդրումներ ներգրավելու նախաձեռնության մասին։

Պոլիմերային նյութը, որը Սեյֆալիանն օգտագործում է օրգաններ ստանալու համար, պատենտավորված է։ Բացի այդ նա դիմել է համապատասխան ատյաններ արյունատար անոթների, արցունքատար խողովակների եւ շնչափողի պատենտ ստանալու համար։

Սեյֆալիանը հաշվել է, որ 2005 թվականից ի վեր իր հետազոտությունների համար մոտ 10 մլն ֆունտ է ծախսվել ($16 միլիոն), բայց հույս է հայտնել, որ մի օր լաբորատոր օրգանները հասանելի կլինեն մի քանի հարյուր դոլարով։

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է