Ինչո՞ւ չի կարելի մեքենա վարել առանց ամրագոտի կապելու. համակարգչային տոմոգրաֆիայի ցնցող լուսանկարներ

4 օգոստոսի, 2017  20:08

Ստորեւ ներկայացված համակարգչային տոմոգրաֆիայի լուսանկարները ցույց են տալիս, թե վթարի հետեւանքով ինչ է տեղի ունեցել ամերիկացի 25-ամյա կնոջ գանգի հետ. նա անվտանգության ամրագոտին չէր կապել ու բառացիորեն դուրս է թռել մեքենայից։

Լուսանկարներում կարելի է տեսնել, որ կնոջ գանգի վրա բազմաթիվ կոտրվածքներ կան. վերին ու ստորին ծնոտը լրջորեն վնասված են, իսկ վերին ծնոտի մի մասը տեղաշարժվել է։ Կնոջ ձախ աչքը վիրաբույժները վիրահատության ժամանակ գտել են քթի խոռոչում։ Ուղեղը նույնպես լրջորեն վնասվել էր, եւ կնոջը փրկելու ու նրա գանգը վերականգնելու համար տարբեր մասնագիտացումներ ունեցող վիրաբույժների թիմը նրան մի քանի ժամ վիրահատել է։

Վիրաբույժներից մեկը հետո Figure 1 կայքում հրապարակել է համակարգչային տոմոգրաֆիայի լուսանկարները, որոնք արվել են վթարից ու վիրահատությունից անմիջապես հետո։

«Հետազոտությունը հիվանդի մոտ բացահայտել է գանգուղեղային վնասվածք՝ ներգանգային արյունահեղությամբ, աչքի տրավմատիկ վնասվածք, որը պահանջում է էնուկլերացիա ու գանգի բազմակի կոտրվածքներ։ Հաջորդ լուսանկարն արդեն արվել է դեմքի վերականգնումից հետո։ Մուլտիդիսցիպլինար թիմի աշխատանքի շնորհիվ հիվանդը հիմա գտնվում է ամբուլատոր հսկողության ներքո եւ հաջողությամբ վերականգնվում է»,- գրել է բժիշկը։

Մյուս բժիշկները, նայելով լուսանկարներին, բազմաթիվ մեկնաբանություններ են գրել այն մասին, թե ինչ աներեւակայելի աշխատանք են արել վիրաբույժները։

Վիրահատությունից առաջ

Վիրահատությունից հետո

NEWS.am Medicine

loading...
 

  • Այս թեմայով
  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: