Էնդոմետրիոզը մեծացնում է հղիության ժամանակ բարդացումների ռիսկը

Էնդոմետրիոզը մեծացնում է հղիության եւ ծննդաբերության ժամանակ բարդացումների ռիսկը։ Այս մասին ասված է Fertility and Sterility ամսագրում հրապարակված նոր հետազոտության մեջ։

Հետազոտության հեղինակները՝ Sidney Kimmel Medical College at Thomas Jefferson University–ի գիտնականները, նշում են, որ էնդոմետրիոզ ունեցող կանանց մոտ հաճախ վաղաժամ ծննդաբերություն է գրանցվում։ Նրանց նաեւ հաճախ են կեսարյան հատում անում։ Բացի այդ, այդ կանանց մոտ մեծ է նաեւ վիժման վտանգը։ Այդ պատճառով  էնդոմետրիոզ ունենցող կանանց գիտնականները խորհուրդ են տալիս ուշադիր լինել այդ հարցում, իսկ բժիշկներին՝ հաշվի առնել հնարավոր բարդացումները։

Էնդոմետրիոզը հիվանդություն է, որն ախտահարում է վերարտադրողական տարիքի կանանց ավելի քան 10 տոկոսին։ Էնդոմետրիումի բջիջները ներծծվում են արգանդի պատի ներքին շերտի սահմաններից դուրս եւ ընկնում մյուս օրգաններ։ Երբեմն հիվանդությունն իրեն չի դրսեւորում, երբեմն էլ ծակող եւ բութ ցավեր է առաջացնում որովայնի շրջանում, սեռական ակտի ժամանակ։ Այն կարող է նաեւ անպտղության պատճառ դառնալ։

Էնդոմետրիոզի եւ հղիության միջեւ կապը հասկանալու համար գիտնականները 24 հետազոտություն են անցկացրել, որոնց մասնակցել է ավելի քան 1 մլն կին։ Հետազոտություններն ի հայտ են բերել, որ էնդոմետրիոզն, իրոք, բարձրացնում է բարդացումների ռիսկը։ Սակայն այն չի ազդում պրեէկլամպսիայի կամ հեստացիոն հիպերտենզիայի վրա։

Հետևեք NEWS.am Medicine-ին Facebook-ում և Twitter-ում