«Պեպա խոզուկը» մուլտֆիլմից ազդված ծնողներից շատերը ոչ ադեկվատ են գնահատում բժիշկների աշխատանքը եւ տեղամասային թերապեւտին կանչում առանց որեւէ առիթի, ինչը նպաստում է բժիշկների «էմոցիոնալ ոչնչացմանը». այս տեսակետն ունի բրիտանացի թերապեւտ Քեթրին Բելը: Արդեն 40 լեզուներով թարգմանված այս հայտնի մուլտֆիլմը դիտում են 180 երկրի երեխաներ:
Քեթրին Բելը կարծում է, որ ծնողներից շատերը օրինակ են վերցնում մուլտֆիլմի հերոսներից եւ անընդմեջ իրենց տուն են կանչում տեղամասային բժիշկներին երեխաների մոտ հիվանդության անգամ չնչին նշանների առկայության դեպքում:
Թերապեւտը հոդված է հրապարակել BMJ գիտական ամսագրում «Պեպա խոզուկը» մուլտֆիլմի՝ տեղամասային բժիշկների աշխատանքի վրա բացասական ազդեցության մասին: Հոդվածի հիմնական թեզը այն է, որ մուլտֆիլմը ծնողների մոտ բժշկի աշխատանքի մասին կեղծ տպավորություն է ստեղծում:
Գիտական հոդվածի հեղինակը մի քանի օրինակ է բերում. մասնավորապես, Բժիշկ Արջը գալիս է Պեպեյի եւ նրա եղբոր մոտ աննշան առիթներով, ինչպես, օրինակ՝ ցանի կամ մրսածության դեպքերում: Մինչդեռ նա կարող էր սահմանափակվել հեռախոսային խորհրդատվությամբ, ինչը հանգեցնում է բժշկի «էմոցիոնալ ոչնչացմանը», քանի որ նրան անընդհատ կանչում են հիվանդի տուն առանց դրա համար բավարար հիմքերի:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր