• Latest news

Բժիշկները սելֆիի հանդեպ կիրքը հոգեկան հիվանդություն են համարում

16 դեկտեմբերի, 2017  23:47

Սելֆի անելու եւ այն համացանցում հրապարակելու անհաղթահարելի ցանկությունը հոգեկան հիվանդություն է, կարծում են հնդիկ հոգեբանները: Հետազոտությունը հրապարակվել է International Journal of Mental Health and Addiction ամսագրում:

«Սելֆիտիս» տերմինն առաջին անգամ հայտնվել է մտացածին նորությունների կայքի հաղորդագրության մեջ, սակայն հիմա հետազոտողները հանգել են այն եզրակացության, որ սելֆիի մոլուցքն իսկապես կարելի է հիվանդություն համարել: 200 մասնակիցներից կազմված խմբի հետ աշխատանքի ժամանակ հավաքած տվյալներն օգտագործելով՝ նրանք սանդղակ են մշակել, ըստ որի կարելի է գնահատել 1-ից մինչեւ 100 սելֆի անելու մարդու հակումը: Այնուհետեւ այն թեստավորել են 400 կամավորների վրա: Սելֆիից կախվածության թեստը 20 պնդում է պարունակում՝ «Ես ինձ ավելի հանրահայտ եմ զգում, երբ սելֆին համացանցում եմ տեղադրում» եւ «Երբ սելֆին չեմ տեղադրում, ինձ իմ հասակակիցներից կտրված եմ զգում» արտահայտությունների նման:

Հեղինակները խանգարման սահմանային փուլ են համարում դեպքերը, երբ մարդը սելֆի է անում օրական մինչեւ 3 անգամ, սակայն դրանք համացանցում չի հրապարակում: Երբ մարդը սկսում է սելֆին հրապարակել, սկսվում է հվանդության սուր փուլը: Եվ, վերջապես, քրոնիկական սելֆիտիսը այն վիճակն է, որի դեպքում մարդը մշտապես սելֆին հրապարակելու եւ դա օրական 6 անգամից ավելի անելու չվերահսկվող պահանջ է զգում:

Սելֆիտիսով տիպիկ հիվանդն այն մարդն է, որը ձգտում է իր վրա ուշադրություն գրավել, տառապաում է ինքնավստահության պակասով: Նա հույս ունի, որ սելֆիի հրապարակումը թույլ կտա իր սոցիալական դիրքը բարելավել եւ իրեն կոլեկտիվի մաս զգալ: Գիտնականները հույս ունեն, որ սելֆիի հանդեպ հակման ռեալ հիվանդություն ճանաչելը թույլ կտա այս շեղումն ավելի լավ հետազոտել եւ միջոցներ գտնել դրանով տառապող մարդկանց օգնելու համար:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել