• Latest news

Կինը կողոսկրը կոտրել է հազալիս

18 հունվարի, 2018  19:41

ԱՄՆ Մասաչուսեթս նահանգի բնակչուհի տարեց կինն իր կողոսկրը կոտրել է հազի նոպայի ժամանակ: Անսովոր բժշկական դեպքի մասին հայտնում է The New England Journal of Medicine ամսագիրը:

66-ամա կինը բժշկի է դիմել վերջին 2 շաբաթվա ընթացքում հազի եւ կրծքում ուժեղ ցավի բողոքներով: Բժիշկը ենթադրել է, որ դրանք առաջացել են շնչառական ինֆեկցիայի հետեւանքով, օրինակ՝ գրիպի: Սակայն հաջորդ 5 օրերին բարելավում չի նկատվել:

Ավելի մանրամասն զննում կատարելիս բժիշկն ուշադրություն է դարձրել կնոջ կողքին՝ կրծքավանդակի եւ կոնքազդրային հոդի միջեւ առկա մեծ կապտուկին: Այն բավականին ցավոտ էր: Համակարգչային տոմոգրաֆիայով պարզվել է, որ կնոջ մոտ աջ 9-րդ կողոսկրի կոտրվածք կա: Դրանից բացի, քթի եւ կոկորդի քսուքի անալիզով բժիշկները կապույտ հազ են ախտորոշել:

Կապույտ հազին հատուկ է սպազմատիկ, խեղդող հազը: Ամենայն հավանականությամբ, կինը կողոսկրը կոտրել էր հերթական նոպայի ժամանակ: ԱՄՆ ՀԻվանդությունների վերահսկման եւ կանխարգելման կենտրոնի տվյալներով՝ կողոսկրերի կոտրվածքներ են պատահում կապույտ հազով հիվանդ մեծահասակների 4 տոկոսի մոտ:

Կնոջը վիրահատել են, նա անցել է նաեւ հակաբիոտիկային թերապիայի կուրս:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել