• Latest news

Նոր դեղամիջոցը կարող է կանանց ազատել դաշտանադադարի հետեւանքներից

17 մարտի, 2018  10:32

Գիտնականները մշակում են փորձարարական դեղամիջոցների նոր դաս, որոնք կարող են կանանց ազատել դաշտանադադարին բնորոշ առհոսումներից։

Դաշտանադադարը սովորաբար կանանց մոտ սկսվում է 40-55 տարեկանում։ Այն կարող է ուղեկցվել տհաճ ախտանշաններով, ինչպիսիք են քնի խանգարումներն ու առհոսումները։ Լոնդոնի Կայսերական քոլեջի գիտնականները գտել են առանց հորմոնափոխարինող թերապիայի գործածման առհոսումների դեմ պայքարելու միջոց։

Մասնագետները հետազոտությանը մասնակցելու համար ընտրել են 40-62 տարեկան 37 կանանց։ Նրանց բոլորի մոտ դիտարկվում էին հաճախակի առհոսումներ՝ օրական 7 անգամ եւ ավելին։ Նրանք չորս շաբաթվա ընթացքում ստացել են MLE4901 փորձարարական դեղամիջոցի 80 միլիգրամ, կամ պլացեբո ։ Հետո դեղամիջոցը փոխարինել են մեկ այլ դեղամիջոցով ու շարունակել թերապիան եւս չորս շաբաթ։

Պարզվել է, որ MLE4901-ը նվազեցնում էր առհոսումների ծանրությունը 72 տոկոսով, իսկ հաճախությունը՝ 38 տոկոսով։ Գիտնականները ենթադրում են, որ նոր դեղամիջոցը արգելափակում է նեյրոկինին B-ն (NKB)։ Այս սպիտակուցը ակտիվացնում է ուղեղում այն մասերը, որոնք վերահսկում են ջերմաստիճանը։

Հետազոտության հեղինակները նշում են, որ MLE4901-ը չեն օգտագործի ապագա փորձերում, քանի որ պարզվել է, որ այն թունավոր է լյարդի համար, բայց այդ դասի այլ դեղամիջոցների փորձարկումները կշարունակվեն։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է