Շատ ծնողներ` հատկապես երիտասարդ, համարում են, որ էլեկտրոնային ծխախոտներն ավելի քիչ վնասակար են, քան սովորականները: Շատ երիտասարդ ծնողներ օգտագործում են էլեկտրոնային ծխախոտներ` ասվում է հետազոտության մեջ, որը ներկայացվել է մանկաբույժների ակադեմիական միության տարեկան հանդիպման ընթացքում Բրիտանական Կոլումբիայի Վանկուվեր քաղաքում` հաղորդում է Medical Daily-ն:
Էլեկտրոնային ծխախոտները մարտկոցներով սարքեր են, որոնք կրկնօրինակում են իրական ծխախոտներին, բայց դրանք պարունակում են ոչ թե նիկոտին, այլ նիկոտինային հեղուկ, որը գոլորշիանում է, եւ ծխողը շնչում է այդ գոլորշին: Դրանք նման են իրական ծխախոտներին, բայց պարունակում են նիկոտինի տարբեր մակարդակներ եւ ունեն տարբեր համեր, եւ շատ սովորական ծխողներ անցել են էլեկտրոնային ծխախոտներին` որպես առողջ այլընտրանք: Վերջերս, սակայն, ԱՄՆ մթերքների եւ դեղորայքի որակի վերահսկողության գործակալությունը (FDA) հաղորդել է, որ էլեկտրոնային ծխախոտներն անվտանգ չեն, եւ առկա չէ մշակված ստանդարտ դրանց արտադրության համար:
2013 թվականի սեպտեմբերին հարցում է անցկացվել 3000 չափահաս մարդկանց շրջանում, որոնց 88%-ն եղել է 18-ից 24 տարեկան հասակում, նրանց համարյա քառորդը (22 %) արդեն իսկ ունեցել են երեխաներ:
Ծնողների 13%-ը հայտնել են, որ փորձել են էլեկտրոնային ծխախոտներ, իսկ 45%-ը` որ երբեք սովորական ծխախոտներ չեն ծխել կամ ծխել են նախկինում: Ծնողների 6%, որոնք փորձել են էլեկտրոնային ծխախոտներ, խոստովանել են, որ ծխել են վերջին 30 օրվա ընթացքում:
Երբ ծնողներին հարցրել են, թե ինչու են նրանք օգտագործել էլեկտրոնային ծխախոտներ, 81%-ը պատասխանել է, որ համարում է դրանք շրջապատող մարդկանց համար քիչ վնասակար, քան սովորական ծխախոտները: 76%-ը մտածում էր, որ էլեկտրոնային ծխախոտներն ավելի շատ հարմար են չծխող մարդկանց, իսկ 72%-ն այն կարծիքին էր, որ էլեկտրոնային ծխախոտներы թույլատրված են այն վայրերում, որտեղ սովորական ծխախոտներն արգելված են:
«Նշված հետազոտությունից կարելի է անել տագնապ առաջացնող երկու եզրահանգում: Առաջինը. մարդկանց հայտնի չէ էլեկտրոնային ծխախոտների օգտագործման վտանգը եւ դրանց գոլորշիների ազդեցությունը, քանի որ շատ ծնողներ հայտարարել են, որ էլեկտրոնային ծխախոտներն ավելի քիչ վնաս են հասցնում շրջապատող մարդկանց», - ասել է հետազոտության առաջատար բժիշկ Ռոբերտ Ս. Մակմիլլենը` Միսիսիպիի նահանգի համալսարանի սոցիալական գիտությունների հետազոտական կենտրոնից:
«Երկրորդը. ներկայիս օգտագործողների կեսը ծխողն չեն և համարում են, որ ի տարբերություն ծխախոտային արտադրանքի` էլեկտրոնային ծխախոտները չեն առաջացնում կախվածություն»:
Բոլոր երիտասարդները, որոնք փորձել են էլեկտրոնային ծխախոտներ, խոստովանել են, որ փորձել են դրանց մրգային և անանուխային տարբերակները, ինչը հանդիսանում է շուկայաբանական ռազմավարության արդյունք:
Վերջերս անցկացված երկու հետազոտություններ բացահայտել են, որ էլեկտրոնային ծխախոտներ արտադրողներն օգտագործում են հատուկ երիտասարդներին հասցեագրված գովազդ, ինչը կարող է հանգեցնել նիկոտինամոլ նոր սերնդի ձեւավորմանը:
FDA-ի համաձայն` հայտնի չէ, թե էլեկտրոնային ծխախոտներ ծխելը կհանգեցնի արդյոք իրական ծխախոտ ծխելուն, ինչը, ինչպես հայտնի է, առաջացնում է անժամանակ մահվան նպաստող վտանգավոր հիվանդություններ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր