• Latest news

Երեւանում մահացած 5-ամսական երեխայի մոտ սրտի բնածին արատ է եղել

11 հունիսի, 2018  19:53

«Արաբկիր» ԲԿ-ում 5-ամսական երեխայի մահը հազիվ թե կապված լիներ պատվաստանյութի հետ, որը նա ստացել է մահից 2 օր առաջ. աղջկա մոտ եղել է սրտի բնածին արատ, որին նրա ծնողները եւ բժիշկները տեղյակ չէին: Այս մասին NEWS.am Medicine-ի թղթակցին հայտնեց «Հերացի» բժշկական համալիրի պոլիկլինիկայի մամուլի քարտուղար Շուշան Դանիելյանը, որտեղ երեխան դիսպանսեր հաշվառման էր վերցված:

Ըստ պատվաստումների օրացույցի՝ աղջիկը հերթական պատվաստումը ստացել է հունիսի 5-ին, եւ բժիշկների տեղեկացմամբ՝ նրա մոտ ոչ մի բարդություն կամ կողմնակի էֆեկտ չի գրանցվել: Հունիսի 7-ին աղջիկը սկսել է իրեն անհանգիստ պահել, եւ ծնողները պոլիկլինիկա են դիմել, որտեղ ականջի բորբոքում են ախտորոշել: Աղջկան բուժում է նշանակվել, իսկ ծնողներին առաջարկել են նրան դարձյալ պոլիկլինիկա բերել հաջորդ օրը:

Սակայն աղջիկը շարունակել է իրեն սովորականի նման չպահել, եւ անհանգստացած ծնողները որոշել են նրան տեղափոխել «Արաբկիր» մանկական հիվանդանոց: Երկու ժամ անց աղջիկը մահացել է վերակենդանացման բաժանմունքում, որտեղ նրա մոտ հայտնաբերել են սիրտ-անոթային սուր անբավարարություն, սուր միոկարդիտ, II°-III° շնչառական անբավարարություն եւ նախկինում չհայտնաբերված սրտի բնածին արատ:

Գործով քննություն է կատարվում, իսկ դիահերձման արդյունքները, որոնք ցույց կտան երևեխայի մահվան իրական պատճառը, հայտնի կլինեն ավելի ուշ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել