• Latest news

Շատ աշխատելը վնասակար է առողջության եւ կարիերայի համար. գիտնականներ

9 օգոստոսի, 2018  12:15

Վերջին հետազոտությունների համաձայն՝ չափազանց լարված աշխատանքը վնասում է ոչ միայն առողջությանը, այլեւ կարիերայում աճին:

Ըստ The Daily Mail-ի՝ Լոնդոնի համալսարանի եւ ESCP եվրոպական բիզնես դպրոցի հետազոտողները պարզել են, որ նորմայից շատ աշխատող աշխատակիցները բավարարված չեն իրենց աշխատանքով եւ ծառայողական առաջխաղացմամբ: Միաժամանակ, ըստ մասնագետների, գործատուների կողմից ճնշման նվազեցումը կարող է ընկերությանն ավելի շատ շահույթ բերել:

Հետազոտությունում 36 երկրից 52.000 աշխատող է ներգրավվել: Դիտարկվել են աշխատանքի պայմանների տարբեր ասպեկտներ, հստակեցվել են ռիսկի խմբերը: Միաժամանակ, համեմատության են ենթարկվել այն անձանց արդյունքները, որոնց նույն պաշտոնն ու կրթության մակարդակն են ունեցել:

Պարզվել է, որ նրանք, ովքեր ստիպված են եղել աշխատանքը կատարել արագ եւ մշտական ժամանակային ճնշման ներքո, բողոքել են վատ ֆիզիկական եւ հոգեկան առողջությունից: Աշխատակիցները նշել են նաեւ, որ ղեկավարությունը չի գնահատում իրենց կատարած աշխատանքը:

Գիտնականների կարծիքով՝ աշխատանքային տեմպն ազդում է արված աշխատանքի վրա, ինչի արդյունքում ղեկավարությունը նախընտրում է առաջ չմղել նորմայից ավելի աշխատող աշխատակիցներին:

Նախորդ հետազոտությունները ցույց են տվել, որ լրացուցիչ աշխատաժամերը կարող են հանգեցնել աշխատակիցների մոտ առողջական խնդիրների: Այսպես, Հարավային Քարոլինայի համալսարանի հետազոտողները տասը տարի շարունակ հետեւել են բանկիրներին եւ հայտնաբերել, որ աշխատանքի երրորդ տարում նրանց մոտ տարբեր խնդիրներ եւ անքնություն է ի հայտ գալիս:

Անցյալ շաբաթ էլ Փենսիլվանիայի համալսարանի հրապարակած հետազոտությունը ցույց է տվել, որ վատ հոգեկան առողջությունը տարեկան 53 մլրդ դոլար է արժենում, քանի որ աշխատակիցներն ավելի շատ են հանգստյան օրեր վերցնում եւ ավելի դանդաղ են աշխատում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է