• Latest news

D վիտամինի պակասը կարող է շիզոֆրենիա՞ առաջացնել

7 դեկտեմբերի, 2018  23:00

Երեխաների մոտ, որոնց արյան մեջ ծնվելու ժանանակ D վիտամինի պակաս է եղել, հետագայում շիզոֆրենիայի զարգացման վտանգը բարձր է լինում: Նման անսպասելի եզրակացությա են եկել Queensland Brain Institute (Ավստրալիա) եւ Aarhus University (Դանիա) գիտնականները:


Ուսումնասիրության համաձայն, որի արդյունքները հրապարակվել են Scientific Reports ամսագրում, D վիտամինի պակասով ծնված երեխաների մոտ (մեկ լիտրում 20,4 նանոմոլից պակաս), շիզոֆրենիայի զարգացման ռիսկը 44 տոկոսով բարձր է:


Հետազոտողները վերլուծել են 1981-2000թթ. ծնված դանիացի 2602 բնակիչների տվյալները: Նրանց կեսը շիզոֆրենիա էր ունեցել, առողջ մարդկանց կեսը կազմել է վերահսկիչ խումբը: Ուսումնասիրության հեղինակները հաշվի են առել այնպիսի գործոններ, ինչպիսիք են սեռը, տարիքը, ծննդյան տարեթիվը, ընտանիքում հոգեկան հիվանդությունը, շիզոֆրենիայի ախտորոշման տարիքը, մոր եւ հոր տարիքը երեխայի ծննդյան պահին, նրա քաշը, բնակության միջավայրը:


Նաեւ հաշվի են առնվել մասնակիցների գենետիկական վերլուծության տվյալները: Սակայն նույնիսկ այս ամենը հաշվի առնելով, վիտամին D-ի պակասի եւ շիզոֆրենիայի զարգացման միջեւ կապը հաստատվել է. դրա պակասով ծնված երեխաները ավելի հաճախ, քան մյուսները, մեծ տարիքում հիավանդացել են շիզոֆրենիայով:

Գիտնականները նշում են, որ վիտամին D-ի պակասը սովորաբար կապված է արեւի լույսի բացակայության հետ: Ըստ գիտնականների շիզոֆրենիայի հետագա զարգացման բարձր ռիսկով ամենից շատ ծնվում են գարնանն ու ձմռանը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է