• Latest news

Գրիպի սեզոնին ինչպե՞ս ամրացնել իմունիտետը. Գլխավոր թոքաբանի խորհուրդները

17 հունվարի, 2019  15:15

Գրիպի սեզոնին սեփական իմունիտետն ամրացնելու համար բավական է հետեւել պարզ խորհուրդների:

Հունվարի 17-ին մամուլի ասուլիսի ժամանակ ՀՀ ԱՆ գլխավոր թոքաբան Անդրանիկ Ոսկանյանը հայտնեց, որ ցուրտ եղանակին իմունիտետը նվազում է, ինչն արդյունքում նպաստում է սուր շնչառական վիրուսային ինֆեկցիաների զարգացմանը: Իմունիտետը բարձրացնելու համար առաջին հերթին անհրաժեշտ է չխախտել քնելու եւ արթնանալու ռեժիմը, այսինքն՝ քնին հատկացնել օրական 8 ժամից ոչ պակաս: Ցանկալի է նաեւ ոչ մեծ հանգիստ կատարել հետճաշյա ժամին (գոնե 20-30 րոպեով):

Դրանից բացի, իմունային համակարգի վրա բացասական ազդեցություն է ունենում ոչ առողջ կենսակերպը՝ սխալ սնվելը, ծխելը, ալկոհոլի չափից ավելի օգտագործումը: Այս վնասակար սովորությունների պատճառով թոքերի քրոնիկական հիվանդություններով տառապող անձանց շրջանում ՍՇՎ-ն կարող է ավելի ծանր ընթացք ունենալ:

Իմունիտետի բարձրացմանը կարող են օգնել նաեւ բուժական սեանսները հանրապետական Սպելեոթերապեւտիկ կենտրոնում: Այս յուրատեսակ բուժարանը տեղակայված է ձեռակերտ քարանձավում, գետնի մակերեւույթից 235 մետր խորության վրա:

ՍՇՎ-ից ապահովագրվելու համար Ոսկանյանը խորհուրդ է տալիս մեծ ուշադրություն դարձնել անձնական հիգիենային եւ հատկապես փողոցից որեւէ տեղ մտնելուց հետո ձեռքերը լվանալուն: Այս հասարակ կանոնը կապահովագրի նաեւ ճիճվային հիվանդություններից (օրինակ՝ ասկարիդոզից):

Մասնագետի խոսքով՝ շփումների ժամանակ կարեւոր է նաեւ մեկ մետր հեռավորություն պահելը: Բանն այն է, որ մարդը կարող է ՍՇՎ-ով վարակվել իր զրուցակցի թքի միջոցով, որն արտադրվում է զրուցելիս (ինչպես արտահայտվեց Ոսկանյանը, սա յուրատեսակ «աերոզոլային էֆեկտ» է):

Թոքաբանը խորհուրդ է տալիս սուր շնչառական վիրուսային ինֆեկցիաներով հիվանդներին սենյակը հաճախակի օդափոխել, մեծ քանակությամբ տաք հեղուկներ խմել: «Չի կարելի առանց բժշկի նշանակման հակաբիոտիկներ ընդունել, քանի որ վիրուսային հիվանդությունների դեպքում դրանք հիվանդության ընթացքը կարող են միայն խորացնել»,- շեշտեց Ոսկանյանը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել