• Latest news

Երեք տարեկան աղջիկը դուրս է գրվել հիվանդանոցից՝ անցկացնելով ինտենսիվ թերապիայի բաժանմունքում 1221 օր (ֆոտո)

20 հունվարի, 2019  16:40

Փոքրիկ Զարիա Դոնովան վերջապես դուրս է գրվել տուն ինտենսիվ թերապիայի բաժանմունքում 1221 օր (3 տարի եւ 4 ամիս) բուժվելուց հետո:

Ինչպես հաղորդում է The Daily Mail-ը, աղջիկը ծնվել է 2015 թվականի սեպտեմբերին: Ծննդաբերությունը վաղաժամ էր՝ հղիության 23-րդ շաբաթում: Ընտանիքին հաջողվել էր երեխայի բուժումը ստանալ Օհայոյի Մանկական ազգային հիվանդանոցում, որը տեղակայված է տնից 1700 մղոն հեռավորության վրա: Այդ պատճառով Զարիայի հայրը ստիպված էր թողնել աշխատանքն ու տեղափոխվել Օհայո, մինչդեռ նրա մայրը մնացել էր Յութա նահանգում ավագ դստեր հետ:

Ծնողները խոստովանում են, որ չէին հավատում, որ Զարիան կնշի իր առաջին տարելիցը. հոսպիտալացման պահին նա կշռում էր մոտ 400 գրամ: Բժիշկները նախազգուշացնում էին, որ մեծ է ցկյանս հաշմանդամության, տեսողության խնդիրների եւ զարգացման խանգարումների ռիսկը:

Երեք շաբաթական հասակում աղջիկը սրտի բաց վիրահատություն է տարել: Ընդհանուր առմամբ, նրան 12 անգամ արյան փոխներարկում են կատարել: Նա ունեցել է թոքաբորբ, սեպսիս, 2016 թվականի ապրիլին նրա մոտ ախտորոշել են բրոնխոթոքային դիսպլազիա (զարգանում է վաղաժամ ծնված երեխաների մոտ): Բժիշկներն ապրելու նրա շանսերը հավասարեցնում էին զրոյի, սակայն բուժումը տվեց դրական արդյունք:

Վերջապես, ինտենսիվ թերապիայի բաժանմունքում 1221 օր բուժումից հետո, Զարիան դուրս է գրվել տուն: Երեխան պետք է մշտապես գտնվի բժշկական վերահսկողության ներքո, սակայն մտերիմները չեն հուսալքվում, չէ որ երեք տարվա ընթացքում առաջին անգամ ընտանիքը միասին կապրի:

Source: The Daily Mail

Photos: Facebook

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է