• Latest news

Ուղեղով միացած սիամական երկվորյակները բարդ վիրահատություն են տարել, որը կարող էր մահացու լինել (ֆոտո)

25 հունվարի, 2019  14:05

Հյուսիսային Կարոլինայից Էրին եւ Էբբի Դելանիները սիամական երկվորյակների անջատման ամենավտանգավոր վիրահատություններից մեկն են տարել, որը կարող էր նրանց համար կյանք արժենալ:

The Daily Mail-ը հայտնում է, որ վիրահատությունը տեւել է 11 ժամ եւ այժմ՝ 1,5 տարի անց, մասնագետները լավատեսությամբ հետեւում են նրանց զարգացմանը: Վիրաբուժական միջամտության հաջողությունը ոգեշնչում է ոչ միայն ծնողներին, այլեւ բժիշկներին, քանի որ, նրանց կարծիքով, տվյալ վիրահատությունը վիրաբուժության ամենահեռանկարային ձեռքբերումներից մեկը դառնալու հնարավորություն ունի:

Բանն այն է, որ որոշ մեթոդներ առաջին անգամ էին կիրառվել եւ վիրաբույժները չգիտեին, թե ինչպիսին կլինեն երկվորյակների առողջության համար հետեւանքները:

Աղջիկները ծնվել են 2016 թվականի հուլիսի 24-ին  կեսարյան հատման եղանակով:  Նրանք միացած էին գանգի հատվածներով: Սիամական երկվորյակների մոտ նման միացումը շատ հազվադեպ է հանդիպում՝ 2-6 տոկոս դեպքերում: Նրանց անջատման վիրահատությունն անցել է 2017 թվականի հունիսի 7-ին, երբ փոքրիկները 11 ամսական էին: Դրանով իսկ նրանք դարձել են ամենաերիտասարդ կրանիոպագ երկվորյակները, որոնք տարել են նման վիրահատական միջամտությունը:

Վիրահատությունից հետո ուղեղի վերականգնման համար երեխաներին մեկ շաբաթով մեդիկամենտոզ կոմայի մեջ են գցել:

Փոքրիկների ապաքինումը տարբեր կերպ է ընթացել: Էրինի համար վիրահատությունն ավելի թեթեւ է եղել, իսկ Էբբին ստիպված է եղել ուղեղի արյունազեղման եւ տաբեր ինֆեկցիաների եւ բարդությունների հետ պայքարել:

Տվյալ պահին երկու երեխաները ֆիզիկական եւ խոսքային թերապիա են անցնում: Վիրաբույժներն իրենց կողմից լավատեսությամբ հետեւում են նրանց ապաքինմանը եւ վերականգնմանը:

Source: The Daily Mail

Photos: Children's Hospital of Philadelphia, Delaney Twins/Facebook

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է