Խոլեցիստոկինին հորմորնը, որն ազդում է մարդու սննդային վարքագծի վրա, կարող է նվազեցնել Ալցհեյմեր հիվանդության զարգացման վտանգը: Նման եզրակացության են եկել Այովայի համալսարանի գիտնականները:
Խոլեցիստոկինինը հագեցածության զգացում է առաջացնում եւ վերահսկում է ախորժակը, ինչպես նաեւ նպաստում է բարակ աղիում ճարպերի եւ սպիտակուցների ներծծմանը: Խոլեցիստոկինինը հայտնաբերվել է նաեւ հիպոկամպում, որը մասնակցում է զգացմունքների ձեւավորմանը եւ կարճաժամկետ հիշողությունը երկարաժամկետի անցնելու գործընթացին:
EurekAlert!-ը հայտնում է, որ 287 մարդկանց մասնակցությամբ հետազոտության ընթացքում պարզվել է, որ տվյալ հորմոնի առավել բարձր մակարդակ ունեցող մարդկանց մոտ 65 տոկոսով նվազել է չափավոր կոգնիտիվ խանգարման զարգացման վտանգը:
Հայտնի է, որ հենց չափավոր կոգնիտիվ խանգարումն է նախորդում Ալցհեյմեր հիվանդւթյան առաջացմանը: Գիտնականները մտադիր են շարունակել հետազոտությունները եւ պարզել, թե սնվելու որ ռեժիմն է նպաստում օրգանիզմում խոլեցիստոկինինի մակարդակի բարձրացմանը:
Սա կնպաստի Ալցհեյմեր հիվանդության բուժման եւ պրոֆիլակտիկայում առաջընթացին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր