• Latest news

Մայիսի 18-19-ը Երեւանում կանցկացվի AIOC II միջազգային ակնաբուժական համաժողովը

16 մարտի, 2019  14:14

Մայիսի 18-19-ը Երեւանում կանցկացվի AIOC II միջազգային ակնաբուժական համաժողովը: Մարտտի 16-ին մամուլի ասուլիսին այս մասին հայտնեց ՀՀ ԱՆ ակնաբուժության ոլորտի խորհրդատու, ակնաբույժ Արտաշես Զիլֆյանը: Համաժողովին աշխարհի տարբեր երկրներից ավելի քան 200 մասնագետներ կմասնակցեն:

Նրա խոսքով՝ առաջիկա համաժողովը աննախադեպ է իր մասշտաբներով: Մասնակցության համար հրավիրվել են առաջատար մասնագետներ, պրոֆեսորներ եւ դասախոսներ ԱՄՆ-ից, Ռուսաստանից, Եվրոպայի եւ ԱՊՀ երկրներից:

Միջոցառման կարեւոր բաղկացուցիչ մասը կլինի ակնաբուժական վիրահատությունների ուղիղ հեռարձակումը, ընդ որում համաժողովի մասնակիցները  հնարավորություն կունենան օնլայն ռեժիմում հարցեր ուղղել վիրաբույժներին:

Ծրագրվող վիրահատություններից մեկի շրջանակում  եղջերաթաղանթի փոխպատվաստում կիրականացվի:

Զիլֆյանը նշեց, որ հատուկ ուշադրություն կդարձվի երիտասարդ եւ սկսնակ մասնագետներին, որոնք հնարավորություն կունենան լսել արտասահմանցի առաջատար ակնաբույժների զեկույցները: Համաժողովին կմասնակցեն Հայաստանի բոլոր մարզերից, ինչպես նաեւ Ղարաբաղից բժիշկներ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է