ԱՄՆ-ի Նյու Ջերսի նահանգի Բրիք քաղաքից Ռոբերտա Քարթրայթը շոգեխաշած խոզի միս է պատրաստել եւ զանգահարել նույն փողոցում ապրող թոշակառուներ Կառլ եւ Սյուզան Շվաբներին նրանց հյուրասիրելու համար: Այս զանգն օգնել է փրկել Կառլ Շվաբի կյանքը:
WNBC տեղեկատվական պորտալը հաղորդում է, որ դա տեղի է ունեցել այս տարվա հունվարին: 82-ամյա հարեւանի հետ զրույցի ընթացքում Ռոբերտան լսել է, որ լսափողն ընկել է եւ լսվել է նրա կնոջ ձայնը:
Ռոբերտան անմիջապես զանգահարել է ամուսնուն՝ Փիթերին եւ խնդրել անհապաղ գնալ թոշակառուների մոտ: Դրանից հետո նա զանգել է փրկարարներին: Հարեւանների մոտ ժամանած Փիթերը տեսել է, որ Կառլն անգիտակից վիճակում նստած է աթոռին: Նրա պուլսն աշխատում էր, բայց նա չէր շնչում:
Փիթերն անմիջապես տղամարդուն հատակին է պառկեցրել եւ սրտի մերսում եւ արհեստական շնչառություն արել: Կառլին վերակենդանացնելու համար 20 րոպե է պահանջվել:
Այնուհետ նրան հիվանդանոց են տեղափոխել, որտեղ մեկ ամիս է անցկացրել եւ նրան կարդիոխթանիչ են տեղադրել:
Ավելի ուշ նա մի քանի շաբաթ նաեւ տանն էր վերականգնվել:
Մարտի վերջին Սյուզանը կանչել էր փրկարարներին եւ Քաթրայթներին՝ ամուսնու ապաքինումը նշելու համար:
«Այս մարդիկ պարզապես հիասքանչ են, ես ցանակնում էի նրանց շնորհակալություն հայտնել ամուսնուս փրկելու համար եւ իմ հարեւանները նույնպես հիանալի մարդիկ են»,-ասել է նա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր