• Latest news

Բուժքույրը որդեգրեց մի աղջկա, որին ոչ ոք չէր այցելում հիվանդանոցում

8 ապրիլի, 2019  12:00

Հուզիչ պատմություն է տեղի ունեցել Մասաչուսեթսում. աղջկան, որը ծնվել էր առողջական խնդիրներով, որդեգրեց հիվանդանոցի ավագ բուժքույրը։

Ժիզելը ծնվել է 2016 թվականի հուլիսին, հղիության 29-րդ շաբաթում։ Փոքրիկի մոտ հայտնաբերվել էր զարգացման նեոնատալ շրջանի աբստինենտ ախտանշան, որը հետեւանք էր այն բանի, որ նրա մայրը թմրանյութեր էր օգտագործել հղիության ընթացքում։ Աղջկա քաշը ծնվելիս մոտ 1 կիլոգրամ էր, եւ նրան երկարատեւ բուժում էր հարկավոր ինտենսիվ թերապիայի բաժանմունքում։ Դրա հետեւանքով Ժիզելն սկսեց զզվել ուտելիքից։

Հիվանդանոցում աղջկան ոչ ոք չէր այցելում, բացի 45-ամյա բուժքույր Լիզ Սմիթից, որը, համաձայն բժիշկների կայացրած վճռի, չէր կարող հղիանալ անգամ ԱՄԲ-ի միջոցով։ Կինը խնամում էր աղջկան, իսկ Ժիզելի ծնողների այցելություններն ավելի հազվադեպ էին դառնում։ Ժամանակ անց նրանք զրկվեցին ծնողական իրավունքներից, եւ 2018 թվականի հոկտեմբերի 18-ին Սմիթը հնարավորություն ստացավ պաշտոնապես որդեգրելու փոքրիկին։

«Ես երջանիկ էի, բայց եւ տխուր աղջկա ծնողների համար, որոնք կորցրին նրան»,- պատմում է նա։

Աղջկա առողջությունն աստիճանաբար բարելավվում է։ Չնայած նա շարունակում է սնունդն ստանալ հատուկ խողովակի միջոցով, Սմիթին հաջողվել է սովորեցնել նրան որոշ պինդ մթերքներ ուտել, այդ թվում եւ պիցցա ու ավոկադո։

«Այն պահից սկսած, երբ տեսա նրա խորունկ կապույտ աչուկները, իմ մեջ ինչ-որ բան փոխվեց։ Ես զգացի, որ պետք է սիրեմ այս աղջկան ու անեմ ամեն բան, որպեսզի նա անվտանգ լինի»,- նշում է Սմիթը։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է