• Latest news

Պանրի օգտագործումը կարող է օգնել վերահսկել գլյուկոզայի մակարդակն արյան մեջ. հետազոտություն

16 ապրիլի, 2019  23:45

Սննդի մեջ պանրի օգտագործումն օգնում է վերահսկել գլյուկոզայի մակարդակն արյան մեջ։ Այս մասին տեղեկացնում են Կանադայի Ալբերտի համալսարանի հետազոտողները։

The Journal of Nutritional Biochemistry-ում նրանք հրապարակել են այն հետազոտության արդյունքները, որի շրջանակում պրեդիաբետ (վիճակ, որի դեպքում շաքարի մակարդակն արյան մեջ բարձր է բնականից, թեեւ այնքան էլ բարձր չէ, որպեսզի դիաբետ համարվի) ունեցող մկների սննդացանկում պանիրներ են մտցրել։ Սննդացանկի այդ փոքր փոփոխությունը, ինչպես պարզվել է, օգնել է մկների մոտ գլյուկոզայի մակարդակը պահել վերահսկողության տակ։ Ընդ որում՝ պանիրների տեսակները մեծ նշանակություն չեն ունեցել. կրծողներն օգտագործել են ինչպես յուղալի, այնպես էլ պակաս յուղալի պանիրներ։

Նախագծի համահեղինակ, դոկտոր Եկատերինա Չանը նշել է, որ գլյուկոզայի մակարդակի պահպանման  վերահսկման ֆունկցիայի բարելավումն ապահովող կոնկրետ մեխանիզմ պանիր ուտելուց հետո հայտնի չէ, եւ այն դեռ պետք է ճշգրտել։ Բայց եւ միաժամանակ Չանն ավելացրել է, որ պանիրը մթերք է, որին բնորոշ է սննդային ճարպերից ֆոսֆոլիպիդների առանձնացումը, որոնք մեծ նշանակություն ունեն օրգանիզմի կենսունակության համար։ Գուցե, այդ նյութերի ազդեցությունն էլ ապահովել է գիտնականների ուսումնասիրած էֆեկտը շաքարի պարունակության նորմալացման գործում։

Գիտնականները մտադիր են շարունակել պանրի հատկությունների ուսումնասիրությունը։ Նրանք ենթադրում են, որ, գուցե, ստիպված կլինեն վերանայել ճարպերի հանդեպ վերաբերմունքը, որոնք օրգանիզմն ստանում է այս մթերքի հետ միասին։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է