• Latest news

Կարիճի թույնը բժշկության մեջ անսպասելի կիրառություն ունի

14 մայիսի, 2019  15:35

ԱՄՆ Սեդարս Սինայ բժշկական կենտրոնի գիտնականներն առաջարկում են կարիճի թույն օգտագործել գլիալ ուռուցքների վիզուալացման համար։ Ինչպես հայտնի է, հենց գլիոման է գլխուղեղի քաղցկեղի տարածված առաջնային ուռուցքը։

Տոզուլերիստիդ կամ BLZ-100՝ քլորոտոքսին պեպտիդի օպտիմալացված սինթետիկ տարբերակն է։ Տվյալ պեպտիդը հայտնաբերվել է կարիճի թույնի մեջ Leiurus quinquestriatus–ի տեսքով։ Բացի BLZ-100–ից, ուռուցքի սահմանների որոնման մեջ կիրառվում է բարձր զգայունությամբ տեսախցիկ, որն աշխատում է ինֆրակարմիր տիրույթին մոտ, ինչպես նաեւ լուսարձակող ներկ:

Մշակման շնորհիվ՝ նեյրովիրաբույժները հնարավորություն են ստանում բարձր ճշգրտությամբ որոշել վիրահատությունների ժամանակ գլիոմաների սահմանները։ 17 մեծահասակ պացիենտի մասնակցությամբ անցկացվել են հաջող կլինիկական փորձարկումներ։ Նրանց վիրահատությունից 3-29 ժամ առաջ ներարկել են BLZ-100։ Մեկ ամիս տեւած դիտարկումների ընթացքում լուրջ հետեւանքներ չեն հայտնաբերվել։

Գիտնականները նախատեսում են շարունակել հետազոտություներն ու նոր կլինիկական փորձարկումներ անցկացնել։ Ընդ որում՝ փորձագետները չեն բացառում, որ իրենց մշակումը կարող է օգտագործվել տարբեր տեսակի ուռուցքների վիրաբուժական միջամտությունների ժամանակ եւս։

Հետազոտության արդյունքներով գիտական հոդվածը հրապարակվել է Neurosurgery ամսագրում։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել