2014 թվականին 33-ամյա Էրին Ռոլինսը Չիկագոյից ահավոր վթարի ենթարկվեց, որը քիչ մնաց զրկեր նրան կյանքից։ Վթարի մեղավորը հարբած վարորդն էր, որը չէր կարողացել կառավարել մեքենան։
Ինչպես տեղեկացնում է The Daily Mail-ը, կնոջը հաջողվեց ողջ մնալ երջանիկ պատահականությամբ։ Էրինը կոտրել էր ողնաշարը, ինչպես նաեւ ուներ ներքին արնահոսություն աղիների պատռվածքի պատճառով։ Կինը կաթվածահար էր եղել գոտկատեղից ներքեւ։ Ընդհանուր առմամբ, նրան 8 վիրահատության ենթարկեցին, նա երկարատեւ վերականգնողական շրջան անցավ։
Չնայած վթարի ահավոր հետեւանքներին՝ արդեն երկու տարի հետո Էրինը կարողացավ այնքան վերականգնվել, որ ինքնուրույն գնաց խորանի մոտ։
Էրինը պատմում է, որ նորից է սկսել քայլել սովորել քայլակների եւ ոտքերի հատուկ ֆիքսատորների օգնությամբ։ Այսօր, վթարից հինգ տարի հետո, Էրինը չի կարող շարժվել առանց այդ հատուկ ֆիքսատորների։ Կինն անհանգստանում է, որ կարող է բախվել խնդիրների հղիության ժամանակ, քանի որ երեխա կարող է ունենալ միայն կեսարյան հատման միջոցով։ Չնայած անցած փորձություններին՝ դատարանի դահլիճում նա ներեց վթարի մեղավորին։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր