Հղիության ժամանակ ծխող կանանց երեխաները ավելի հաճախ են հոգեկան խանգարումներ ունենում

Հղիության ժամանակ ծխող կանանց երեխաներն ավելի հաճախ են հոգեկան խանգարումներ ունենում՝ առաջին հերթին դեպրեսիա եւ ուշադրության պակասի եւ հիպերակտիվության համախտանիշ (ՈՒՊՀՀ):

Ավելին՝ նման երեխաները ավելի  հաճախ են սկսում թմրանյութեր օգտագործել եւ ստիպված մեն լինում բուժվել թմրամոլությունից: Այս մասին զգուշացնում են Տուրկուի համալսարանի գիտնականները (Ֆինլանդիա):

Ուշադրության պակասի եւ հիպերակտիվության համախտանիշին բնորոշ են կենտրոնանալու անկարողությունը, չափից շատ շարժողական ակտիվությունը, իմպուլսիվությունը եւ դյուրագրգռությունը: Գիտնականները հաստատել են, էր ծխող կանանց երեխաները 44 տոկոսով ավելի հաճախ են հոգեմետ դեղերով  նման խանգարման բուժման կարիք ունենում, քան չծխող կանանց երեխաները:

Կենդանիների հետ փորձերի ժամանակ գիտնականները ուշադրություն են դարձրել նրա վրա, որ նիկոտինը կործանարար ազդեցություն է ունենում սաղմի  գլխուղեղի բջիջների զարգացման վրա: Թերհաս երեխաների մոտ, որոնց մայրերը հղիության ժամանակ ծխել են, ուղեղի ճակատային մասի եւ ուղեղիկի փոքրացում է գրանցվել ի տարբերություն այն նորածինների, որոնց մայրերը չեն ծխել:

Մեկ այլ հետազոտություն ցույց է տվել, որ  այն աղջիկների մոտ, որոնց մայրերը հղիության ժամանակ ծխել են, կարող են վերարտադրողականության հետ խնդիրներ ունենալ:

Կանանց համար էլ ծխելը վտանգավոր է, քանի որ հանգեցնում է կոգնիտիվ գործառույթների վատթարացման ավելի արագ, քան տղամարդկանց դեպքում:

Հետևեք NEWS.am Medicine-ին Facebook-ում և Twitter-ում